Skip to main content

Napparsimasut taarsiiffigineqarsinnaanerannut inatsit Kalaallit Nunaanni atuutilissasoq

Peqqissutsimut Naalakkersuisoqarfiup maannakkorpiaq sulissutigaa, napparsimasut naammagittaalliorlutillu taarsiiffigineqarsinnaanerannut inatsisissatut siunnersuut, inatsit 2022-mi atuutsinneqalissaaq. Inatsisitigut ajornaannerulersinneqassaaq, napparsimasut kukkusumik suliarineqarsimanertik pillugu naammagittaalliorsinnaanerat taarsiiffigitissinnaanerallu.

Napparsimasut taarsiiffigitissinnaanerat pillugu intsisissatut nutaatut siunnersuut 2021-mi saqqummiunneqassasoq naatsorsuutigineqarpoq. Inatsisip peqqinnissaqarfimmi naammagittaalliortarnermik aaqqissuussaq allanngortissavaa, tassa peqqinnissaqarfimmi sulisut ataasiakkaat iliuuserisimasaat eqqarsaatigalugit inatsisitigut akisussaatitsisarnermut taarsiullugu kukkusumik suliaritissimanermi taarsiiffigineqartarnissaq inatsisitigut piumasaqaataalissaaq.

Suliniutigisap taamatut ittup napparsimasunik kiffartuussisarneq pitsaanerulersissavaa, Peqqissutsimut Naalakkersuisoq Anna Wangenheim Sermitsiaq.AG-mit apersorneqarami oqaluttuarpoq.

- Inatsisitigut qulakkeerneqassaaq, innuttaasut napparsimasulu peqqinnissaqarfimmik suliartissimanerminnut atatillugu naammagittaalliuutigisimasaasa oqartussaqarfimmi eqqortumi suliarineqarlutillu naammassineqartarnissaat, Anna Wangenheim Sermitsiaq.AG-mit apersorneqarami nassuiaavoq.

- Napparsimasut taarsiiffigitittarnissaat pillugu inatsit innuttaasut peqqinnissaqarfimmut tatiginninnerulernerannik toqqaannartumik sunniuteqassaaq, naalakkersuisoq oqarpoq.

Sullissisarnermik pitsaanerulersitsissasoq

Peqqinnissaqarfik ullumikkut napparsimasut naammagittaalliuutaannik suliarinnittartumik napparsimasunut ilitsersuisoqarpoq. Immersugassarli napparsimasumit immersorneqartartoq naammagittaalliuutip iternga tikillugu suliarineqarnissaanut qulakkeerinnittanngilaq.

- Ajoraluartumik naammagittaalliuuteqarpoq nammassillugit suliarneqarsimanngisaannartunik. Tamanna ajorpoq, saaffiginnissutimmi qanoq ikkaluartut tamarmik pimoorullugit tiguneqartariaqarput, Anna Wangenheim oqarpoq.

Napparsimasut naammagittaalliorlutillu taarsiiffigineqarsinnaanerannut inatsisissaq Nunatsinni Nakorsaaneqarfimmut atasunngorlugu suliarineqassaaq. Aningaasa 1,5 millioner koruuniusut 2021-mit atorneqartussanngorlugit immikkoortinneqarsimapput, 2022-miilli inatsit atuutsinneqalerpat qaffangaatsiarlugit ukiumut 7 millioner koruunit aningaasaliissutigineqartassapput. Inatsit naapertorlugu, taarsiissuteqarnissamik suleriaaseq nunani avannarlerni allani, taakkununnga ilanngullugu Danmarkimi atorneqartartoq atuutsinneqalissasoq naatsorsuutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER