Napparsimanini pissutigalugu Ukaleq VM-eqataanngitsoortoq
Sisoraaserluni ooqattaasartartoq ukioq manna unammiffiusumi imaassinnaasoq unammeqqinngitsoq
Inuusuttuaqqat nunarsuarmi pissartanngorniunneranni Ukaleq Slettemark unammeqataanngitsoorpoq.
Schweizimi VM-ertoqarnerani ukioq kingulleq nunarsuarmi pissartanngornini, sisamaattut arferngattullu inissinnini illersortussaagaluarpai.
- VM-imi ataasiaannarluniluunniit Ukaleq Slettemark unammeqataanngitsoorpoq. Decembarip 20-anili napparsimalerpoq, peqqissinissani neriuutigalugu unammeqataariataarnissamut piareersimalluni VM-eriaraluarpoq, peqqissivinngitsoorporli, Sisoraaserluni ooqattaasartartut kattuffiat tusagassiutinut nalunaarummi allapput.
Suli peqqissivinnginnami Ukaleq Slettemark sungiusarnissamut suli periarfissaqanngilaq.
- Marsip aallartinnerani aatsaat unammeqataasinnaalissaaq piariissaguni, taamaattumik imaassinnaasoq ukioq manna unammeqataaqqinngitsoortoq, nalunaarutigineqarpoq.