Skip to main content

Napaattooq kamattoq

Inatsisartunut ilaasortap Ittoqqortoormiini Kullorsuarmilu nakorsamit isumagineqarneq naammaginartinngilaa.

– Sussaanngilluinnarpoq. Oqaaseq sakkortugaluarpoq isumagaliuna qamannga uummatinnit anikkiga.

Inatsisartunut ilaasortap Jens Napaattuup inoqarfinni inukinnerusuni nakorsaqarniarneq naammaginartinngilaa, ingammik Ittoqqortoormiini aamma Kullorsuarmi.  

– Peqqissutsimut oqartussat qitiusumit aqunneqalerput – tamanna taamaallaat Nuummiunut iluaqutaavoq. Illoqarfinni minnerusuni nakorsaqanngikkaangat inuit toqqissisimajunnaartarput Nuummullu nuunnissaminnik eqqarsalertarlutik. Tamanna uteqattaartuuvoq pitsaanngitsoq, allanngortinneqartariaqartoq, taanna oqarpoq.

Nakorsanik atorfeqavissunik atorfinitsitsisoqarnissaa piumasarigaa

- Taamaattumik illoqarfinni minnerusuni nakorsanik aalajangersimasunik atorfinitsitsisoqarnissaa   piumasaraara. Ajorluinnarpoq nunaqarfik Kullorsuartut ittoq, aalisartoqarluarneratigut alliartuinnartoq, nakorsaqanngimmat, Jens Napaattooq oqarpoq.  

Pineqartoq pillugu § 37 naapertorlugu Naalakkersuisunut marlunnik apeqquteqaateqarpoq, tamatumanilu Napaattuup paaserusullugu, Ittoqqortoormiit nakorsaqaqqilernissaannut qanoq iliortoqarniarnersoq, aamma Kullorsuarmi nakorsamik atorfinitsitsisoqarnissaa eqqarsaatersuutigineqarnersoq. 

Peqqissutsimut naalakkersuisup Anna Wangenheimip Napaattooq eqqissisarlugu oqaatigaa, Ittoqqortoormiini nakorsatut atorfik atorunnaarsinneqarnikuunngimmat, illoqarfimmili tassani atorfinitsitsiniarnermi ajornartorsiuteqarnerarlugu. Atorfiup inuttalerneqarnissaata tungaanut taartaagallartussanik atorfinitsitsinissamut innersuunneqartarput aamma peqqissaasut peqqissutsimillu suliaqartut Nuummi nakorsanut oqarasuaatikkut attaveqarnissamut aamma ungasianit nakorsiartitsinermut innersuunneqartarlutik.      

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER