NAPA sulisunik nutaanik marlunnik atorfinitsitsisoq
NAPA, Nunani Avannarlerni Piorsarsimassutsikkut Attaveqaat siunnersortimik nutaamik ilinniarnermullu atatillugu sulisussamik atorfinitsitsisimavoq. Siusinnerusukkut filmiliortartuusimasoq Nina Paninnguaq Skydsbjerg innuttaasunut kulturikkut suliniuteqarniarlutik aningaasaliiffigineqarnissamik qinnuteqarusuttunut siunnersortinngortinneqarpoq.
NAPA-p ansætter Nina Paninnguaq Skydsbjerg siunnersortitut Maasi Chemnitzilu attaveqaqatigiinnermut immikkoortortami suliffimmi sungiusartutut 2021-mi aggustip aappaani atorfinitsissimavai.
- Suleqatitaavut nutaat Nina Paninnguaq Skydsbjergip Maasi Chemnitzilu suleqatiginissaat qilanaaralugu tikilluaqqusinnaagatsigit nuannaarutigaarput, NAPA-mi pisortaaneq Anne mette Gangsøy oqarpoq.
Suliassat soqutiginartut
Maasi Chemnitz tusagassiortunngorniarnerminut atatillugu NAPA-mi attaveqaqatigiittarnermut immikkoortortami ukiup affaani suliffimmik sungiusassaaq. Ilaatigut NAPA-p oqaluttuassartai, nutaarsiassaqartitsineq, tusagassiorfinnut nalunaaruteqartarneq unanilu Avannarlerni attaveqaqatigiittarnikku paasissutissiisarnissaq suliarisassavai.
Filmiliortartuusimasoq, ilaatigut Malik Kleist peqatigalugu Alanngut Killingannimik filmiliorsimasoq meeqqaniit inersimasunut kulturikkut suliniuteqarnissamut aningaasaliiffigineqarusuttunut siunnersortinngortinneqarpoq.
- Nina Paninnguaq Skydsbjergip siunnersortitut, NAPA-p kulturimut tapiissuteqartarfianut qinnuteqaatit nunanilu avannarlerni allani tapiissuteqarnissamut periarfissat suliarisassavai, NAPA-mit ilisimatitsissutigineqarpoq.