NAPA nutaamik pisortartaalersoq
Anne mette Gangsøy Norgemeersoq NAPA-mi pisortaaninngulerpoq
Atorfittaamini anguniarniarpaa, Kalaallit Nunaat Nunallu Avannarliit allat kulturikkut paarlaasseqatigiittarnerisa pitsanngorsaavigineqarnissaa, tusagassiorfinnut nalunaarummi allassimavoq
Anne Mette Gangsøy Nuummi nunat avannarliit kulturikkut illorsuanni pisortanngussaaq, nunani avannarlerni ministeriunerit anguniagaat, tassalu Nunat avannarliit 2030-mi nunarsuarmi piujuartitsinerpaanngortinneqarnissaat peqataatitsinerusarnissaallu piviusunngortinniarlugu suliniuteqartoqarnerani.
Piviusut
NAPA tapiissuteqartartnerit suliniutillu, soorlu Nuuk Nordisk Kulturfestival aamma Iskrystalprinsessenimik takutitsineq aqqutigalugit kulturiut inuppassuarnik peqataaffigineqartartumut tapersiisarpoq.
NAPA Nunani Avannarlerni Ministerit Siunnersuisoqatigiivisa ataani suliffeqarfiuvoq, suliarisarpaalu nunat avannarliit kulturiannik Kalaallit Nunaanni, kalaallillu kulturiannik Nunani Avannarlerni allani siammarterinissaq uummarissaanissarlu. Kulturikkut taamatut suleqatigiinnikkut Nunani Avannarlerni innuttaasut ataatsimoortinneqarlutillu paaseqatigiissinneqartarput, tamannalu aqqutigalugu Nunani Avannarlerni inuiaqatigiit imminut napatissinnaalernissaat anguniagaalluni. NAPA aamma Nunat Avannarliit Issittumi suleqatigiinneranni pingaarutilimmik inissisimavoq.
Anne Mette Gangsøyp Norgemiit Kalaallit Nunaannut nuunnissani qilanaaraa, inuillu assigiinngitsorpassuit takorluugaasa nukiisalu paasineqarnissaannut tunngatillugu kulturip eqqumiitsuliortarnerullu pingaaruteqassusaat erseqqissaatigalugu:
Qilanaartoq
– Kalaallit Nunaannut tunngatillugu ilisimasaqalernissara aamma Nunat Avannarliit isaannit isigalugu kalaallit kulturiannik suliaqalernissara qilanaaraara. Imminut napatittumik ineriartortitsisoqassappat, inuit suleqatigiittariaqarput assigiimmillu atugaqartinneqarluta kulturi aqqutigalugu ataatsimoortariaqarpugut, pisortaq nutaaq oqarpoq.
– Inuit assigiinngitsunik tunuliaqutallit, oqaasillit kulturillillu naapikkaanni periarfissanik nutaanik takkuttoqartarpoq. Nunat Avannarliit kulturikkut avitseqatigiittarnerat kitsitut, anginiakkatsinnik angusaqarluarusunnitsinnillu ataatsimoortitsisutut atorneqarsinnaavoq, siger Anne Mette Gangsøy, aqutsinermik, kulturimik attaveqaqatigiittarnermillu misilittagaqarluartoq oqarpoq.
Anne Mette Gangsøy, 2020-mi maajip aallaqqaataani sulilersussaq, Notodden mangfolds- og læringssenterimi Norgemiittumii pisortaavoq, siusinnerusukkullu Gullbring Kulturanlæggimi aqutsisuusimalluni, aamma ukiorpassuarni ilaatigut nunani avannarlerni pisartut sammisaralugit NRK-mi sulisimalluni.