Skip to main content

Nanubørninik pilersitsisimasoq tunuartoq

Peqatigiiffimmi Nanubørnimik pilersitsisimasoq Krissiie Berthelsen ukiuni aqqaneq-marlunni ataannartumik ingerlatsereerluni tunuarpoq. - Nanubørn nukinik nutaanik aqunneqarluni ingerlateqqinneqartariaqalersoq, taanna isumaqarpoq.

Krissie Berthelsen Winberg aaliangersimavoq, Nanubørn, meeqqanik sumiginnagaasunik
ilaqutariinnillu sanngiinnertut inissisimasunik ikiuiniaqatigiiffiusoq, nukinik nutaanik aqunneqarluni ingerlateqqinneqartariaqalersoq.

- Ukiorpassuanngortuni Kalaallit Nunaanni ilaqutariit meerartallit ”taartumi qaamanermik”
toqqississutigisinnaasamillu takusassaqalersikkumallugit sulisimavugut. Taamatut
siunmnerfeqarluta sulisimavugut, ornittakkanik, juullerpalaartitsisarnernik allanillu
ingerlatsisarnikkut. Ingerlanneqartut tamarmik toqqissisimatitsinissamik, imminut naleqassutsimik misigisimalertsitsinissamik aammalu ajunngitsumut saqitsaaniarnermik imaqarlutillu siunertaqartut, Krissie Berthelsen Winbjerg oqarpoq. Taassuma tapersersuiuartarsimasut tunissuteqartartullu ikiuuttuarnerisigut suliniutit ingerlanneqarsinnaasimarannut qujaffigai.

Nanubørn pillugu:

• Ingerlanneqartuni tamanai siunertaapput isumaginnilluarnissaq ajornartorsiortunillu ikiuinissaq (ajornartorsiutit suugaluarpataluunniit)

• 2010-imi siullermeersumik meeqqat sumiginnaagaasut ikiornissaannut aningaasanik katersiniartoqarpoq pissarsiarineqarlutillu 1 million koruunit (taamatullu ilioqqinneq ingerlanneqarpoq 2014-imi)

• Sumiiffinni assigiinngitsuni ornittakkat 3-t pilersinneqarnikuupput. Tamarmillu ukiut aaliangiussat 3-t iluini naammassisumik ingerlanneqarlutik

• Ukiut tamaasa suliniaqatigiiffik julekurvenik tunissutinillu nunarput tamakkerlugu pisariaqartitsisunut agguaassisoqartarpoq taallugu ”Meeqqat pillugit juullisunnitsitsineq”

• Nanubørn Meeqqanik Suliniaqatigiiffiit immineq kajumissutsimik ingerlanneqartut Ataatsimoorfianni (Børnealliancenimi) ilaavoq

• Nanubørn Pinerlutsaaliunermut Siunnersuisoqatigiinni issiaqataanikuuvoq aammalu Inuit Piginnaatitaaffii Pillugit Siunnersuisoqatigiinni

• ANanu immineq kajumissutsimik tunngaveqartumik tamakkiisumik ingerlavoq taamaammalu aningaasarsiaqarfiusuunani.

- Siunertanilu qitiujuarsimavoq ilaqqutariinnik tamarmiusunik akuliutitsinissaq. Taamallu anersaaqarluni suliniarneq maanna allanit isiumannaarniarneqartariaqalerpoq, pilersitsisimasoq oqarpoq.

Ilaqutariit atugarliortut pillugit 2008-mi illoqarfimmi ataatsimiititsereernerup kingorna Nanubørn pilersinneqarpoq.

Akisussaaffimmik tigumminnilersussaq aqutsilersussarlu nutaaq

Mona Torp Nanubørnimik aqutsisunngortussanngorpoq.

- Monap Nanubørnimi sulineq ilisimaarilluarpaa ulluinnarnilu ajunngitsumik suliniuteqaqataanissaq pingaartittuullugu, siger Krissie Berthelsen Winbjerg paarlatsissani pillugu oqarpoq.

Mona Torp Krissie Berthelsen Winbjergitulli namminersortuuvoq, kissaatigilluinnarpaalu suliniutinik assigiinngitsunik Nanup siunertaanut tulluuttunik amerlanerusunik aallartitsisarnissaq.

- Qilanaarivara Nanubørnip suliaanut iternga tikillugu paasinnikkumallunga ”pulaternissara” siulersuisut nutaat nukiillu nutaat peqatigalugit, Mona Torp oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER