Skip to main content

Nanortalimmi inuussutissarsiorneq ingerlanerlioqisoq

Illoqarfimmi sulisitsisut peqatigiiffiata inuussutissarsiornerup ineriartornera ernumanartoqartippaa, ukiuni kingullerni inuussutissarsiorneq appariartorsimammat, ingerlatsiviit namminersortut arlallit matusariaqarsimallutik

Nanortalimmi sulisitsisut peqatigiiffianni, 13-it missaannik ilaasortalimmi, siulittaasuuvoq Ib Lennert. Taassuma Nanortalimmi inuussutissarsiutit ineriartornerat ernumanartoqartittorujussuuvaa.

Piffissami 2008-miit 2015-imut innuttaasut 200-ungajaat illoqarfinnut aamma/imaluunniit kommuninut allanut nuussimapput. Tamannalu inuussutissarsiortunut namminersortunut akisuujuvoq.

Kaaviaartitat ikiliartortut

Sulisitsisut Peqatigiiffiat naliliivoq ilaqutariit suliffillit illoqarfimmi ukiumut 60.000 koruunit missaanniittut atortaraat, tamannalu inuussutissarsiortut namminersortut aningaasaqarnerannut pingaarutilerujussuuvoq. Inuilli nutserarnerat pissutigalugu kaaviiaartitat ikileriarujussuarput suliassaaleqineq pissutigalugu, tamannalu pissutigalugu illoqarfimmi namminersortut arlallit matuinnartariaqarsimapput.

Aamma tamanna pissutigalugu ingerlatsiviit akiligassanut allattuisarunnaarsimapput. Piumasarisalerpaat suliaq naammassineqarpat ingerlaannaq akilerneqassasoq. Ineriartornerli tamanna ingerlaannassappat siunissaq isumalluarnanngilaq, ingerlatsiviinnaanngitsunut aammattaarli illoqarfiup ineriartornissaanut, Ib Lennert Olsen naliliivoq.

Taanna isumaqarpoq suliassaaleqineq pissutigalugu ingerlatsiviit suli amerlanerusut matusariaqalissasut.

Ineriartornermik pilersitsinissaq ajornakusoortoq

– Pingaaruteqartorujussuuvoq inuit illoqarfimmi suliassaqartittuarnissaat. Ingerlatsiviilli amerlasuut suliassaaleqipput, taamaattumillu aningaasartuutitik ikilisartariaqarlugit, soorlu sulisut angerlartiinnartarlugit, tamannalu atasinnaanngilaq, Ib Lennert oqarpoq.

Taamaattumik isumaqarpoq pisortat inuussutissarsiortunut takutissagaat pitsanngorsaasoqassasoq, piumassuseqarneq attatiinnarumallugu.

– Naluarput siunissami suliassaqarnerluta. Taamaattumik ingerlatsivinnut ajornakusoorpoq ineriartornermik pilersitsinissaq, taanna oqarpoq.

Oqaluttuaq tamaat Kommune Kujallermilu angisuunik mikisunillu pisut atuakkit. Ugeaviisi Tamanut Kujataani uani akeqanngitsumik aaneqarsinnaavoq:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER