Skip to main content

Nanortalimmi ikuallaasoqarsimaneranik pasitsaassisoqartoq

Nanortalimmi Politiit ataasinngornerup unnuaani marlunnik ikuallattoqartoq nalunaarfigitipput, maannalu paasiniaallutik. Ikuallattoqarsimanerit piaaraluni ikuallaanertut misissorneqarput.

Nanortalimmi Politiit ataasinngornerup unnuaani nalunaaqutaq 1:00 missaani kalerrinneqarput marlunnik ikuallattoqartoq. Suliffeqarfiit marluk, Cafe 44 aamma atisaarniarfik B-44, ikuallattut nalunaarutigineqarput.

- Suliami suli paasiniaavugut, piaaraluni ikuallaasoqarsimanertut misissuivugut, Kalaallit Nunaanni attaveqatigiinnermik suliaqartoq, Camilla Palmann Sermitsiaq.AG-mut ilisimatitsivoq.

Taassuma ilanngullugu ilisimatitsissutigaa illut ikuallattut eqqaanni ikuallajasumik imerpalasumik nassaartoqarsimasoq.

Atisaarniarfik cafellu illutaa aappariinnit pigineqarput. Cafeli aappariit ilaqutaasa ilaannit ingerlanneqarluni. Illut 100 miiterit missaannik imminnut ungasitsigipput.

Pasisaqanngillat

Camilla Palmann ilisimatitsivoq ikuallannermi illut silataat ajoqusersimasut aammalu illut paatitersimasut.

- Pasisaqanngilagut, suliarli aatsaat aallarteqqammerpoq. Paasiniaaneq suli ingerlammat paasisaqarnerussagunarpugut, Camilla Palmann ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER