Skip to main content

Nanortalik: Nunatsinni nakorsaanerup naatsorsuutiginngilaa allanik tunillatsittoqassasoq

Nanortalimmi tunillatsittoqarsimanera oqartussanit misissorneqarsimavoq, tunillatsissimasorlu illoqarfimmi innuttaasut ilaannik attaveqarsimagaluartoq, nunatsinni nakorsaanerup naatsorsuutiginngilaa allanik tunillatsittoqassasoq.

Nunatsinni nakorsaanerup Henrik L. Hansenip tallimanngornermi tusagassiortunik katersortitsinermi oqaluttuaraa, Nanortalimmi tunillatsittoqarsimanera oqatussanit peqqissaarullugu misissorneqarsimasoq, naatsorsuutiginnginnerarpaalu illoqarfimmi innuttaasut akornanni tuniluuttoqalernissaa:

- Politiit peqatigalugit pissutsit misissorsimavavut. Qularutiginngilluinnarparput Nanortalimmi allanik tunillatsittoqarnissaa. Naatsorsuutigisamit allatut pisoqassappat, tuniluunnerup siaruattaaliornissaanut piareersimavugut, Henrik L. Hansen oqarpoq.

Peqqissut misissorneqassanngittut

Oqartussat misissuisimanerat naapertorlugu, tunillatsissimasup umiarsuarmut ilaalluni Nanortalimmut tikissimasup najukkami innuttaasut attaveqarfigisimavai.

Nunatsinni nakorsaanerup ilisimatitsissutigaa, inuit tunillatsissimasumut attaveqarsimasut tamarmik misissorneqassanngitsut, qarsupittumik attaveqartarsimaneq pineqarmat:

- Inuit peqqissut misissortanngilagut, coronamik tunillatsissimasup qarsupittumik attaveqartarsimanera pissutigalugu, tunillatsissimasumilli attaveqarsimasut tamaasa attavigisimavavut. Taakkuli ippigisaqalissappata peqqinnissaqarfimmi sulisut misissuinissamut piareersimapput, Henrik L. Hansen oqarpoq.

Problemet er ikke blevet mindre

Nunatsinni nakorsaanerup siusinnerusukkut erseqqissaatiginikuuaa, nunamik ammaaqqinneq aallartinneqarmat inuillu nunamut nunamiillu angalaqqilermata, Kalaallit Nunaannit tunillatsittoqaqqinnissaa naatsorsuutigalugu.

- Oqaatigisariaqarparput nunarsuarmi Covid-19-ip ajornartorsiutaanera minnerulersimanngitsoq. Kalaallit Nunaat suli tuniluuffiunnginnami immikkut inissisimavoq. Nunatsinni ajunngivissumik ingerlasoqarpoq.

- Kimip oqarneratuut, tunillatsittoqarsinnaanera pinngitsoorsinnaanngilarput. Nanortalimmi taamatut pisoqartoq takoreerparput, taamatullu pisoqaqqissaaq, Henrik L. Hansen oqarpoq.

Misissuutit nutaat nersualaarneqartut

Nunatsinni nakorsaaneq naapertorlugu, Nanortalimmi tunillatsittoqarneranut atatillugu misissuutit nutaat qitiulluinnarsimapput.

- Qaqortumi misissuutit nutaat pilersaarutit malillugit ajunngivissumik ingerlapput. Misissuisoqatsiareersoq nalilersuisinnaasimavugut paasissutissallu malillugit iliuuseqarsinnaasimalluta. Sapaatip akunnerata ataatsip matuma siornatigut misissugassat Nuummut nassiunneqarsimassangaluarpoq, taamalu akissutissaa utaqqineqarluni.

- Pilersaarutit malillugit tamarmik ajunngivissumik ingerlapput, tamannalu nuannaaarutigarput, Henrik L. Hansen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER