Katersugaasivik
Nanoq, qilalugaq qernertaq aaverlu Europami pilerigineqartut
Europap ilaani katersugaasivimmut nassiunneqartussanik Tunumi takorialerinermik sullitaqartut Nanu Travel piniarsinnaanermik akuersissummik qinnuteqarsimapput
Takornarissat europaminngaanneersut kalaallit uumasuutaat akiliuteqarlutik takorusuppaat. Tjekkiap illoqarfiisa pingaarnersaanni Pragimi katersugaasivik taama naliliivoq. Taamannalu pissutigalugu uumasut taakku pingasut katersugaasivimmi pigilerumallugit Nanu Travelimut piniarneqarnissaanik ikioqqullutik saaffiginnissueqarsimapput.
Nanoq, qilalugaq qernertaq aaverlu pineqarput
- Januarimiilli Praga National Museum emailikkut allaqatigisaqattaarsimavara. Uumasut piniarneqarnissaannut Namminersornerullutik Oqartussat akuersissuteqarnissaat utaqqiinnarpavut, Nanu Travelimiik, Mette Barselajsen, paasissutissiivoq.
Piniartitsisartut
Nanut Travel Ittoqqortoormiini takornarialerinermik suliaqartuupput, taakkuli ilaatigut qimussernermik snescooterernermik neqerooruteqarlutik. Takornariaqartitsivik takornarissanut piffimmi piniartitsisarpoq, Ittoqqortoormiinilu takornarialerinerup siuarsarneqarnissaanik Kommuneqarfik Sermersuumut isumaqatigiissuteqarsimallutik.
Ukiuni 200-nik pisoqaassusilik
Piniarsinnaanermik akuersisoqaraluarpat uumasut naggueqatitik 1818-meersut katersugaasivimmeeqatigilissavaat. Tamannarpiarlu pissutigalugu Pragimi Nationalmuseet saaffiginnissuteqarsimavoq.
Katersugaasivik sananeqaatsimigut, maanna nutarterneqartoq, ilisimaneqarluarpoq. Katersugaasivillu arlariinnik illutaqarlunilu immikkoortortaqarpoq. Piffissamilu matumani immikkut saqqummersitaqarlutik; nunat inoqqaavisa kulturii immikkut sammineqarlutik.