Nanook Roskilde Festivalimi tusarnaartitsissapput
Ukiut 25-nngulillartullu kalaallit nipilersortartut kalaallillu oqasii atorlugit erinarsortartut Roskilde Festivalimi appittussanngorput
- Europami festivalit annersaanni, Roskilde Festivalimi, peqataanissaq nipilersortartut kikkulluunniit angorusutaasa annerit ilagaat, Nanook-ikkut erinarsortartuisa erinarsuusiortartuisalu marluusut aappaat Christian K. Elsner aviisimut Sermitsiamut oqarpoq.
Roskilde Festivalip sceneani kikkut tamarmik angorusutaanni kingullermik kalaallinik nipilersortartunik kalaallillu oqaasii atorlugit erinarsortartunik appittoqarmat ukiut 25-ngajaat qaangiussimalerput.
Nipilersoqatigiit Sumé 1995-imi tassani nipilersorput, Rasmus Lyberth, Ole Kristiansen, Zikaza aamma Silamiut taakku sioqqullugit nipilersoreersimapput.
- Roskilde Festival ukiut qulit ingerlaneranni angusatta annersarissavaat, kisianni aamma kalaallinut ajugaaneruvoq, Christian K. Elsner oqarpoq.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: