Skip to main content

Nanook nutaamik saqqummersitsivoq

Nanookip cd nutaaq ‘Pissaaneqaqisut’ aqqaneq marlunnik imalik tallimanngornermi saqqummersippaa. - Nipilersorluarneruvugut siullernut sanilliullugu, Frederik Elsner oqaluttuarpoq

Nanook, saqqummersitaminik siullermik ‘Seqinitta Qinngorpaatit’-imik kuultinnannikoq, tallimanngornermi ualikkut cd-mik nutaamik aqqaneq marlunnik imalimmik tallimanngornermi ualikkut saqqummersitsivoq.

Frederik Elsnerillu oqaluttuarnera malillugu nipilersoqatigiit nipilersoriaatsimikkut maanna nipilersuutivinnik, soorlu trompetinik, trombonenik saxofoninillu atuillutik nipilersorluarnerusimapput.

- Nipilersuutivinnik atuinissarput pingaartissimavarput saqqummersitsisarnigut siulliit eqqarsaatigalugit. Siullernimi nipit pattagissaneersut atortarsimavagut, Frederik Elsner Sermitsiaq.AG-mut oqaluttuarpoq.

Nanook saqqummersitseqqippoq nipilersoqatigiit nuannerinnittaat nipilersoqatigiit saqqummersitseqqinnissaannut Facebookikkut kissaateqareersullu. Nuannarinnittullu taallat pingaartitatsinnik eriaginninnissatsinnut tunngasut tusarumaarlugit naatsorsuutigisinnaavaat.

- Erinarsorpugut nunatsinni pigaartitatta paarilluarneqarnissaannut neriuuteqarluta, Frederik Elsner oqaluttuarpoq, nangillunilu:

- Piniartut aamma silaannaap kissatsikkiartornerata kinguneranik ajornerusumik atugaqalertussat sammivagut.

Nanook saqqummersitsinerminut atatillugu Atlantic Music-imi kikkut tamanut tallimanngornermi ualikkut aggersaavoq, ilaatigut nipilersortartut atsiornerannik iluatsitsiffiusinnaasumut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER