Nannut Tasiilami takussaasut
Siullermik nanoq taassumalu piaraa Kulusuup qimmeqarfianeeqattaarput, arlaleriarlunilu qimaatinneqartarsimallutik. Ullaaq manna Tasiilap eqqaavissuani nanoq piaqqanilu neriniartut takuneqarsimapput.
Annonse
Tasiilap eqqaavissuani nanoq piaqqanilu neriniartut ullaaq manna takuneqarsimaput, innuttaasunullu ulorianartorsiortitsinnginnissaat anguniarlugu qimaatinneqarsimallutik.
Nannut pineqartut ullualuit matuma siornatigut Kulusuup qimmeqarfiani qimminut nerukkaatissanik nerisut taakkuunersut ilisimaneqanngilaq.
Nanoq piniartumit pisarineqartoq
- Suleqatitsinnit ilisimatinneqarpugut, nannut taakku marluk ullaaaq nal. 06.30 takuneqarsimasut seqqortaarluni qimaatinniarneqassasut, Nuummi politiit pigaartuisa pisortaat ilisimatitsivoq.
Sisamanngormat nanoq ataaseq Tasiilami pisarineqarpoq, matumanili inuussutissarsiutigalugu piniartoq nannussinnaanermut allagartalik pisaqarsimasoq pineqarluni.