Skip to main content

Nannut ikiliartupiloorput

Ukiut untritilinni atuuttuni qulini siullerni Issittup ilaani nannut amerlassutsimikkut affaannanngungajassimapput

Ukiuni kingullerni pinngortitami nannut nujuartat ikileriarujussuarsimapput.

Amerikarmiut canadamiullu ilisimatuui, Alaskami sumiiffimmi nannut amerlassusaannik malinnaasut, oqarput ukiuni untritilinni maanna atukkatsinni ukiuni siullerni qulini nannut 40 procentimik ikileriarsimasut.'

Ilisimatuut oqarput Beaufort Havet-imi, Alaskap eqqaaniittumi, ukiut nannunut ajornerpaat tassaasimnasut 2004-miit 2007-mut.

Taamanikkut immap sikua ima saatsigisimavoq nannut nerisartakkaminnik puisinik nassaaruminaatsitsisorujussuusimallutik.

– 2004-miit 2007-mut Alaskami nannut piaraannit 80-initd takuneqartunit marluinnaat ilisimavagut suli uumasut, Jeff Bromaghin, USA´s Geologiske Institut-imi kisitsisinik takussutissiissiortartoq oqarpoq.

2010-mi nannut tamaani 40 procentimik ikileriarsimapput 900-t missaanniilerlutik.

Bromaghin misissuinermi pisortaasimavoq, misissuinerlu tamanna atuagassiami Ecological Applications-imi saqqummiunneqarpoq.

Misissuineq naapertorlugu 2007-p kingorna nannut pitsaanerusumik atugassaqalersimapput, sulli pitsaalluanngitsumik.

Ilisimatuut oqarput nannut piaqqat, ukiuni siullerni qulini tamani misissuiffiusimasuni, ikiliartorsimasut.

Nannut nungusaanissamik ulorianartorsiortutut isigineqarput. Nannut uumanissaminnut immap sikua pisariaqartippaat, Issittullu sikua milligaluttuinnarmat nannut ajornartorsiuleraluttuinnarput.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER