Skip to main content

Nannut ikiliartortut

Issittumi nannut ukiut qulit ingerlanerini affaannanngungajassimapput

Nannut ukiuni kingullerni ikiliartorput. 

Amerikarmiut canadamiullu ilisimatuut Alaskami misissuinerminni paasivaat nannut 40 procentimik ikileriarsimasut ukiuni qulini kingullerni. 

Alaskap kujataani Beaufortip imartaani malunnaatilimmik nannut ikileriarsimapput. 

Siku amilisimanera pissutaavoq, nannunut puisinik pisaqarnissaq ajornakusoorluinnarluni. 

- Alaskami 2004-mit 2007-mut nannut piaraannik 80-nik malinnaaffigisaqarnitsinni 2007-mi marluinnaat suli uumapput, ilisimatooq Jeff Bromaghin oqarpoq. 

2010-mi nannut misissuinermit 40 procentimik ikileriarsimapput 900-t missaannanngorsimallutik. 

Nannulli pitsaanerusumik 2007-mit atugaqalersimasut ilisimatuut paasivaat. 

Kisianni piaqqat ukiuni kingullerni qulini ikiliartuinnavissimasut paasineqarpoq. 

Nannut ikiliartortuusutut taaneqartarput, nunguinnissaat aarlerineqarluni. Nannut issittumiissagunik siku atorfissaqartippaat, Issittumilu siku annikilliartuinnavippoq, nannunut ajornartorsiortitsilluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER