Skip to main content

Nannut ajornartorsiutaasarneranni malittarisassat isumaqatigiinngisutaasut

Inatsisartut Naalakkersuisunut akerliullutik piumasaraat, nannut inoqarfinnut qanillivallarsimasut pisarineqarnerat pisassiissutinut ilaasassanngitsut.

- Sulisitsisutit tusaanngitsuusaarsinnaanngilatit. Inatsisartut aalajagingaat malittussaavatit.

Inatsisartut ataasinngornermi nannut pillugit oqallinneranni Jens Napaattooq (N) Aalisarnermut Piniarnermullu Naalakkersuisumut Aqqaluaq B. Egedemut (IA) taama toqqaannartigisumik oqarpoq.

Jens Napaattuup siunnersuutaa pillugut oqallinneq tassani pineqarpoq, siunnersuutigisimavaa nannunik inuit najugaqarfiinut pisunik pisarinnittoqarsinnaanngorlugu Naalakkersuisut malittarisassanik allannguissasut.

Malittarisassat allanngortinneqassasut

Naalakkersuisoq Aqqaluaq B. Egede siunnersuummi immikkoortumut ataatsimut isumaqataanngilaq. Tassalu nannunik inuit najugaqarfiinut pisunik pisaqarneq nannuttassiissutinut ilaatinneqarunnaassasoq:

- Nungusaataanngitsumik piniartarnissaq pineqartillugut tamanna ilannguttariaqarparput. Soorunami Inatsisartut aalajagingaat isummerfigisussaavakka, Aqqaluaq B. Egede oqarpoq.

Naalakkersuisulli tunngavilersuutai isumaqatigineqanngillat,, taamaammat Naalakkersuisut malittarisassanik maanna allanngortitsiniarlutik suliaqartussanngorput.

Siunnersuummi ataasinngornermi oqallittoqarnerani aalajangiiffigineqartumi siullertut pineqarpoq, nannut inuit najugaqarfiinut pisut oqartussanit akuersissummik piniaqqaarani pisarineqarsinnaanngornissaat.

Nanoq pisaqartup pisassagaa

Naalakkersuisunit erseqqissaassutigineqarpoq, nanoq imminut illersorniarluni pisarineqarsinnaajuaannartoq, amerlanertigulli oqartussat malittarisassaat aalajangersimasut malinneqarsinnaasut. 

Aalisarnermut Piniarnermullu Ataatsimiititaliaq Naalakkersuisut eqqarsaatigisassaannik arlalinnik saqqummiussivoq - taakkununnga ilaalluni nannut inuit najugaqarfiinut pisut piniartut pisassiissutaannut ilaatinneqartassanngitsut.

Ataatsimiititaliap tamatuma saniatigut oqaatigaa, piniartut aningaasaqarnerat kulturitsinnilu pingaartitat eqqarsaatigalugit nannut ajornartorsiutaasut pisarineqartut piniartumut tutsinneqartalissasut sumiiffinnilu pisanik agguaariaatsit ataqqineqartassasut.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER