Skip to main content

Nannut ajornartorsiorput

Nannut uumaniarlutik atugarisaat sakkortoreeraluaqisut silap pissusiata allanngoriartornera pissutigalugu nannut uumaniarfii annikilliartorput, immap sikuata saatsikkiartornera ilutigalugu

Nunarsuup kissatsikkiartornera pissutigalugu nannut uumaniarnerminni atugarliuleraluttuinnarput, uumaffiginiagaat milligaluttuinnarmata. Pinngortitaleriffik tusagassiorfinut nalunaaruteqarluni taamatut paasissutissiivoq.

Imaq ullumikkut ukiut 30-40-t matuma siornatigornit sapaatit akunnerinik 2-3-nik kingusinnerusukkut sikusarpoq, sapaatillu akunnerinik 2-3-nik siusinnerusukkut aattalerluni.

Pinngortitaleriffiup ilisimatusarnermini nutaajunerpaami tamanna paasisimavaa, ilanngullugulu paasisimallugu nannut immap sikua 1990-ikkorninngarnit 10-15 procentimik annikinnerusoq atugarilersimagaat. Nannut aamma qaammatinik marlunnik sivisunerusumik sumiiffinni 60%-mik annikinnerusumik sikulimmiittalersimapput. Tamakkua tamarmik takussutissaapput Tunumi immap sikuata annikilliartuinnarneranut, ilisimatuut tusagassiorfinnut nalunaarutikkut allapput.

Ilisimatuut suleqatigiissut

Ilisimatusarnermi paasisanik nutaanik angusaqartuupput nannunik ilisimatuut Kristin Ladre aamma Erik W. Born, Pinngortitaleriffimmeersut, suleqatigalugit ilisimatuut Norgemeersut, Danmarkimeersut USA-meersullu.

Ilisimatusarnermi Tunumi nannut arnavissat arlallit piffissami 2007-miit 2010-mut satellitsikkut nassiussissummik pilersorneqarsimapput.

– Tunumi immap sikuata annikilliartuinnarnissaanik siulittuutit ukiuni tulliuttuni qulikkaani ilumuussappata nannut uumaniarfii suli milliartuinnassapput. Tamatuma kingunerisinnaavaa siunissami nannut ikinnerulernerat, seniorforsker Erik W. Born oqarpoq.

Pinngortitaleriffiup maanna sulissutigaa kalaallit nannunniartartut ilisimasaat ilanngullugit atorneqartalernissaat, Tunumi nungusaataanngitsumik nannunniarnermut pitsaanerusumik siunnersuisalerniarluni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER