Nannut 79-it imminut illersorniarluni toqunneqarsimasut
Misissuinermit nutaamit asseqanngitsumik takutinneqarpoq, nannut ima qanoq akulikitsigisumik inunnut ulorianartortitsisartut, toqunneqartariaqalersarlutik.
Nannunik illersuinissamut maleruagassaqarpoq sukannersunik. Aammali pingaarutilimmik sanioqqussinissamut ilaqarput: Inuup inuuneranik ulorianartorsiortoqarlugu nannumik imminut illersorniarluni toqutsisoqarsinnaavoq.
Aviisi AG taama allappoq.
Nannullu inuit najugaqarfiinut appakaannerannik imaluunniit inuilaami saassussinerannik soorunami nikerartumik akulikissusilimmik pisoqartarpoq.
Kisianni qanoq akulikitsigisumik?
Aalisarnermut Piniarnermullu Naalakkersuisoqarfimmit takussutissiamit nutaajulluinnartumit »aporaannerit« inuunermut ulorianartorsiortitsisinnaasut sakkulersortariaqalerfiusimasut takussutissiartaat tamakkiisutut oqaatigineqarsinnaasoq maanna aseqanngitsumik takutinneqarpoq.
- 2017-imiit ulloq manna tikillugu nunatsinni 16-eriarluni allatut ajornartumik illersuisariaqalernerni / illersuisinnaatitaanerni nannunik toqutsisoqartarsimavoq. Suli siusinnerusumut kingumut qiviassagutta 2007-imiit ulloq manna tikillugu nannunik 79-inik taamatut toqutsisoqartarsimavoq, Aalisarnermut Piniarnermullu Naalakkersuisumit Aqqaluaq B. Egedemit akissutitut allakkiami allassimasoqarpoq; taassuma naalakkersuisoqarfia paasissutissanik katersismavoq.
Takussutisiamit paasissutissaq soqutiginartoq aamma atuarneqarsinnaavoq:
- Tamakku inuit inuunerannik naleqarsimanngillat.
Aviisimi AG-mi allaaserisaq tamakkerlugu atuarsinnaavat: