Skip to main content

Naneruut Birnamut

Birna Brjánsdóttirip timaata nassaarineqarnerata kingorna Kalaallit Nunaata misiginneqataanini takutippaa.

Paasissutissat kingulliit: Nanortalimmi nalunaaqutaq 19:00 Birnamut naneruuteeqqanik aamma ikiterisoqarpoq. Qaqortumi nalunaaqutaq 19:00 illoqannginnersami aamma ikitsisoqarluni.

Nuummiut islandimiut konsuliata saniani Birna Brjánsdóttirimut ilaqutaanut misiginneqataallutik naneruutinik ikitsiartortut nalunaaqutaq arfineq-marlunut inuit katersuupput.

Arnaq 20-nik ukiulik ullumi toqungasoq nanineqarpoq. Arnaq toqutaasimasoq Islandimi politiit isumaqarput.

- Pisoq sakkortuumik inuiaqatigiinnulli attuivoq uannuinnaanngitsoq, Aviâja E. Lynge naneruuseriartornissamik isumassarsisuusoq facebookimini allappoq.

Atuaruk: Birna nassaarineqarpoq

Paasissutissaq siammarterneqarlunilu oqaasertaliiffigineqaqattaarpoq.

- Misigisaq taama sakkortutigisoq iliuusissaaleqinarluni misigisimanarpoq, Aviâja E. Lynge Sermitsiaq.AG-mut oqarpoq.

- Islandermiunut inoqatitsinnik pingaartitsinerput takutittariaqarparput, nangippoq.

Isumassarsiaq sukkasuumik illoqarfinnut allanut anngutipallappoq, massakkullu Qaqortumi Tasiilamilu assingusumik suliniuteqartoqarluni.

Atuaruk: Qulimiguullip Birna Brjánsdottirip timaa sissami nassaara

- Islandimut qanilaartuuvugut allatut iliorsinnaannginnatta taama misiginneqataanerput misigisalugu nuannerpoq, Aviâja E. Lyngep ilassutigaa.

Suliniutinik illoqarfinni allani assigusunik nalunngisaqaruit uunga allagit: walter@sermitsiaq.ag

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER