Skip to main content

Namminiilivinnissaq: Vittus pilersaaruteqarpoq

Nunatta Qitornai qinersinissamut anguniakkanik saqqummiigamik Kalaallit Nunaata namminiilivinnissaanut pilersaarut alloriarnernik aqqanilinnik imaqartoq aamma saqqummiuppaa. Oqartussaaffiit angerlaassornissaanut pilersaarut ukioq ataaseq qaangiuppat piareereersimassaaq.

Vittus Qujaukitsoq pilersaaruteqarpoq.

Nunatta Qitornai oqartussaaffiit 32-iusut Danmarkimiit nunatsinnut angerlaassornissaanut, namminiilivinnissamullu pilersaaruteqarput.

Nunatta Qitornaisa namminiilivinnissamut pilersaarutaat aqqanilinnik alloriarfeqarpoq:

- Oqartussaaffiit maannamut tigusimanngisagut 1,1 milliaardit koruunit missaannik aningaasartaqartut, aningaasassaqartissagutsigit taava nutaanik isaatitsiffissanik pissarsiortariaqarpugut, taavalu qaqugumut taamatut oqartussaaffiit tigujartuaarnissaannut sinaakkutissanik pilersaarusiortariaqarluta, Vittus Qujaukitsoq oqaluttuarpoq.

Oqartussaaffiit angerlaassornissaannut aningaasalersuinissamut pilersaarut kingusinnerpaamik 2022-mi piareersimassasoq siunnersuutigaa. Aammalu aningaasaateqarfimmik, oqartussaaffiit pisariusut aningaasalersornissaannut atortussamik pilersitsisoqarnissaa tikkuarpaa.

Naalagaaffimmit tapiissutit ikilisinneqassapput

Nunatta Qitornaisa namminiilivinnissamut pilersaarutaanni allornerit ilaanni pisassiissutit annertusinissaannut siunnersuutigineqarpoq, aningaasat isaatinneqartussat amerlineqarnissaat siunnersuutigineqarluni. Kalaallit Nunaat aamma USA-p Pituffimmik atuineranut akiliisalernissaanut isumaqatiginninniassaaq, soorlu aamma ilinniagaqassuseq qaffassarniarneqartoq.

- Naalagaaffinngornissatsinnut tunngatillugu, naalagaaffiup tapiissutaasa annikillisikkiartuaarnissaat aamma angusariaqarparput, Vittus Qujaukitsoq oqarpoq.

Nunatta Qitornaisa siunnersuutigaat 2023-miit ukiut 15-it tulliuttut ukiumut 255 milliuunit koruuninik naalagaaffiup tapiissutaa appartikkiartuaarneqassasoq. Tamassuma ilutigisaannik danskit nunatsinni nunamik, imartamik silaannarmillu atuinerminnut akiliisalernissaat siunnersuutigaat.

Partiimi siulittaasup ilanngullugu erseqqissarpaa Tunngaviusumik inatsit pillugu innuttaasut tikkuussisumik taasitinneqartariaqartut, tamannalu kingusinnerpaamik 2025-mi pissasoq siunnersuutigaalugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER