namminiilivinnermut aqqut
Namminiilivinnissaq pillugu oqallinneq aallartinneqartoq
Namminiilivinnissamut naalakkersuisup Suka K. Frederiksenip namminiilivinnissamut aqqut pillugu innuttaasunik ataatsimiititsisaqattaarnissamini siulleq ingerlatereerpaa
Namminiilivinnissamut naalakkersuisoq Suka K. Frederiksen (S) maanna sulilluni aallarteruttorpoq.
Innuttaasunik ataatsimiititsinissat siumut kalerriutigineqareersuni siulleq Narsami ippassaq ingerlappaa.
Peqataasorpassuit
Namminersulivinnissallu oqallisigineqarnissaanut soqutiginninneq annertusoq ersarippoq. Katersortarfimmi innuttaasunik ataatsimiititsineq ornigarneqarluarpoq.
Namminiilivinnermut, pinngortitamut, avatangiisinut nunalerinermullu naalakkersuisoqarfimmit tusagassiuutinut nalunaarut naapertorlugu aningaasaqarneq ilinniartitaanerlu ilaatigut oqaluuserineqarput.
Atuaruk: Naalakkersuisunngorlaaq: Namminiilivinnissaq angorusuppara
- Suliassat ingerlatassavut tamaasa eqqarsaatigigaangatsigu – soorlu aningaasaqarnerup pitsaanerulernissaata qulakkeernissaa, meeqqat tamarmik ilinniagaqarsinnaanissaannut, taakkununnga periarfissiisussamik meeqqat atuarfiata pitsanngorsarnissaa, meeqqat tamarmik toqqissisimasumik peroriartornissaasa qulakkeernissaa aammalu tamatta naligiimmik periarfissaqarnissatta qulakkeernissaa – tamatta peqataanissarput aalajangiisuulluinnartumik pingaaruteqarpoq, Suka K. Frederiksen (S) oqarpoq.
Atuaruk: Namminiilivinnissamut angertut amerlanerussuteqarluartut
Meeqqatta ernuttattalu
Tamatuma saniatigut sukkasuumik namminersulivinnissamut naatsorsuutit annikilliallappai.
- Nunarput Namminiilivikkiartortup meeqqatta ernutttattalu peroriartorfissaat sanarfillugu aallartipparput, taanna nangilluni naqissusiivoq.
Qaqortumi aqagu namminiilivinnissaq pillugu oqallittoqassaaq.