Naalakkersuisooqatigiilersut

Namminiilivinnissap tungaanut alloriarneq

Namminersornermut naalakkersuisoqarfimmikpilersitsinikkut naalakkersuisunngorlaat Kalaallit Nunaatanamminiivissup tungaanut sulineq aallarnerpaat

Fåreholderforening, SPS, Generalforsamling, Qaqortoq, Suka K. Frederiksen, Karl-Kristian Kruse

Namminersornermut, Pinngortitamut Avatangiisinut Nunaateqarnermullu Naalakkersuisunngorlaaq Suka K. Frederiksen (S) issiavimminut ingippoq Kalaallillu Nunaata namminiilivissup tungaanut sulinissani qilanaaraa.

– Namminiilivinnissarput suliassatta pingaarnerpaat ilagigaat Naalakkersuisut isumaqatigiissutigaat. Tamatumalu Naalakkersuisut sinneri peqatigalugit, suliniutip aallartinnissaata akisussaaffigilernera nuannaarutigeqaara. Nunatsinni oqallinneq aallartissavarput, namminiilivinnissallu tungaanut qanoq sulinissarput pillugu nunatta innuttaanik oqaloqatiginninnissara qilanaaraara, Suka K. Frederiksen Naalakkersuisutut ullormi attuuffimmini siullermi oqarpoq.

Qineqqusaarutit piviusunngortillugit

Saamerliit Siumumit, Inuit Ataqatigiinnit maannalu aamma Partii Naleqqamit peqataaffigineqartut namminiilivinnissaq qineqqusaarutigaat, taakkulu aamma Kalaallit Nunatta ullut ilaanni namminiilivinnissaa erseqqissumik oqariartuutigiuarpaat. Maannalu partiit naalakkersuisooqatigiissut pingasut alloriaqqillutik pineqartumut naalakkersuisumik ivertitsipput.

Innuttaasut peqataassapput

Namminiilivinnissamik oqallinneq maannamut ingerlanneqartoq tigussaasuunngitsoq Suka K. Frederiksen isumaqarpoq. Naalakkersuisooqatigiilersut anguniagassat pillugit oqallittoqarnissaa kissaatigaat.

– Innuttaasut namminiilivinnissamut isummaminnik saqqummiussillutik oqalliseqataanissaat uatsinnut pingaaruteqarpoq. Siunissatsinnik ilusilersueqataassapput. Uagut naalakkersuisutut sinaakkusiissaagut, taakkulu aallaavigalugit namminiilivinnissaq qanoq pitsaanerpaamik angusinnaaneripput pillugu innuttaasut politikerillu oqallisigisassaannik siunnersuusiortassalluta.

Powered by Labrador CMS