namminersulivinneq
Namminersulivinnissamik sulineq unitsinneqanngilaq
Kim Kielsen Sermitsiami sapaatip akunnerata naanerani saqqummersumi taamatut oqarpoq. Taanna isumaqarpoq ajornartorsiutit oqimaatsut aaqqinniaatigalugit namminersulivinnissap piareersarneqarnera ingerlanneqarsinnaasoq
– Ajornartorsiutit oqimaatsut ullumikkut unammilligassavut aaqqinniassavagut, namminersulivinnissamullu piareersassaagut. Aappaata aappaa utaqqissanngilaa, ingerlaqatigiissapput. Taamatut periuseqarnitsigut ulloq namminersulivikkutta inuusuttunik nukittuunik ilinniarluarsimasunillu peqassaagut, Naalakkersuisut siulittaasut Kim Kielsen Sermitsiami sapaatip akunnerata naanerani saqqummersumi oqarpoq.
Kim Kielsen nangippoq:
– Aporfissat namminersulivinnissamut aqqutitsinniittut piiassavagut, taamanikkullu suli inuussagutta qitornatta taamaasiornissatsinnik qinnuigippatigut taasinermi ersarissorsuarmik ´aap´-imik krydsiliissaagut.
Kim Kielsenip taamatut oqarnerminut tunuliaqutaraa maani quppernermi allaaserisaqarmat Danmarkimit avissaarnissaq unitsikkallarneqarsimaoq.
Sapaatip akunnerani kingullermi tusagassiortunik katersortitsinermi Kim Kielsenip politikkini nassuiarpaa.
Lars-Emil Johansenilu isumaqarpoq kiffaanngissuseqarnissamik sorsunneq ingerlaqqittoq.
Kim Kielsenilli periusaa annertunerusumik atuarusukkukku Sermitsiaq ataani pisiarisinnaavat.