Namminersulivikkusunneq Løkkep akuersaarniarpaa

Ministeriunerup Lars Løkke Rasmussenip (V) kalaallit namminersulivinnissamut pisortatigoortumik tamanna pillugu saaffiginnissuteqartoqassappat aporfilersuiniarluni eqqarsaateqanngilaq.

Atuaruk: Namminiilivinnissamut angertut amerlanerussuteqarluartut

Ullumikkut apeqqarissaartoqarnerani tamanna oqaatigineqarpoq, tassani attaviitsup Aleqa Hammondip namminersulivinneq apeqquteqarfigaa.

Nunarput tunngaviusumik inatsissamik sulinermik aallartitsisimaneranut aamma Naalakkersuisut namminiilivinnissamut naalakkersuisoqalersimanerannut, kiisalu Sermitsiami isumasiuinermut namminiilivinnissamut annertuumik tapersersuisoqartumut taanna unnersuussivoq.

Atuaruk: Tunngaviusumik inatsisissamut isumalioqatigiissitamut amerlanerussuteqartut

Tamanna tunngavigalugu ministeriunerup naalagaaffeqatigiinnerup nukittorsarneqarnissaanik oqaluuserinnitsilluni qanoq isumaqarnersoq, taassuma paaserusuppaa.

Apeqqut maannakkorpiaq paaminnartutut isiginagu Lars Løkke Rasmussenip erseqqissaatigaa, tassami namminiilivinnissamik piumasaqarnermik Kalaallit Nunaanni pisortatigoortumik nalunaarummik suli pisimannginnami.

Atuaruk: Demokraatit: Namminersulernissaq siunissami ungasinnerusumiippoq

- Naalagaaffeqatigiinnermi nuna pingasut peqataanissamik aamma ineriartortinnissaanik anguniagaannik tunngaveqarpoq. Nunalu assersuutigalugu Kalaallit Nunaat namminiilivikkusuppat, taava uanga aporfilersuinianngilanga, Lars Løkke Rasmussen (V) naqissusiivoq.

Tamatuma saniatigut Kalaallit Nunaata namminiilivinnissaa siunertarinagu isertuutinngilaa.

- Uggorissaqaara, kisianni aporfilersuinianngilanga, ministeriuneq naqissusiivoq.