Skip to main content

Namminersorneq pillugu atuagaq nutaaq maluginiarneqarluartoq

Atuagaq "Drømmen om Frihed", namminersornerup eqqunneqarneranit ukiunik qulinngortorsiornermik nalliuttorsiornermut atatsillugu saqqummertoq, saqqumminngilaarnerani annertuumik maluginiarneqarpoq.

Danskit tusagassiorfiit nuimasorpassuit, ilaatigut Go’Aften Danmark, aviisit Politiken, Berlingske Tidende, Jyllands-Posten, Danmarks Radiomi P1, Radio 24/7 allallu malinnaapput. Taakku siornatigut politikeriusimasup nuimasup aamma Naalakkersuisuni siulittaasuusimasup, Kuupik Kleistip apersornissaanut tulleriiaaginnavipput.

Politikens Forlagip nittarsaassinermut immikkoortoqarfia taama nalunaaruteqarpoq.

Atuakkap ”Drømmen om frihed”-ip saqqummersinneqarneranut atatillugu tamanna pivoq, taanna namminersornerup juunip 21-anni ukiunik qulinngortorsiorneranut atatillugu pivoq.

Inuttut oqaluttuarnertalik

Atuagaq inuaqatigiinni maanna pisunik Kuupik Kleist qitigutillugu nassuiaavoq, Kalaallit Nunaannilu qulequttat maanna sammineqartut inuttut oqaluttuarnertaqartinneqarlutik: namminiilivinnissamik ilungersuuteqarneq, pissaanilissuarnut attaveqarneq, silap pissusiata allanngornera, aamma Kalaallit Nunaata Danmarkillu akornanni ikit suli ammasut kiisalu sammisat allat pingaarutillit.

Kuupik Kleistip oqaluttuaa kinguaariinni taassuma nalingani unammilligassat ilungersuussimasaannik takussutissartaqarpoq.

”Drømmen om frihed” Politikens Forlagimi saqqummerneqartoq tusagassiortunit Niels Ole Qvistimit aamma Christian Schultz-Lorentzenimit allagaavoq. Atuagaq qallunaatut kalaallisullu saqqummissaaq. Kalaallisoortaa aasaanerani sulinngiffeqarnerup kingorna saqqummissaaq, qallunaatoortaalu tallimanngorpat pisiniarfinniilissaaq.

Kuupik Kleist marlunngorpat Nuummi Atuagkani piffissami nal. 15.30-17.30 atuakkanik atsioqattaarniarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER