Namminersorlutik Oqartussat: Misissortinnissamut periarfissat killeqarput
Malittarisassat nutaat naapertorlugit, neriniartarfinnut imerniartarfinnullu iserniaraanni coronamik tunilllatsissimannginnermut uppernarsaateqartoqartariaqarpoq - misissortinnissamulli periarfissat killeqartut, Namminersorlutik Oqartussanit oqaatigineqarpoq.
Arfininngornerup aallatinnerani malittarisassat nutaat atuutilerput, taamaalilluni assersuutigalugu neriniartarfinnut imerniartarfinnulluunniit imaluunniit nujalerisumut iserniaraanni tamakkiisumik akiuussutissalertissimanermt coronamilluunniit tunillatsissimannginnermut uppernarsaammik nalunaaquttap akunnerinik 48-nik pisoqaassusilimmik takutitsisoqartariaqalerluni.
Innuttaasulli coronamik tunillatsissimannginnermut uppernarsaammik pissarsiniarnerat ajornarsinnaavoq.
Misissuinermimi inuit covid-19-imut atatillugu malunniutillit inuillu tunillatsissimasunik attaveqarsimasut salliunneqassapput.
Soorlu aamma nunamut akiuussutissalertissimanatik tikittut allallu peqqinnissatigut naliliisimaneq malillugu tunillatsinnissamut immikkut ittumik ulorianartorsiuteqarsinnaasut salliutillugit misissorneqassasut.
- Inuit allat imerniartarfiliarnissamik, neriniartarfiliarnissamik il.il. eqqarsaateqarlutik covid-19-imik tunillatsissimanerlutik misissortikkusuttut periarfissaqartillugu sapinngisamik misissorneqartassasut, Namminersorlutik Oqartussat allapput.