piitsuussuseq
Namminersorlutik Oqartussat pissakinnerusunut 350.000-nik tapiissuteqarput
Juulli aamma Naalakkersuisunit ukioq manna pingaartinneqarpoq
Kinaluunniit kaalluni juullisiussanngilaq. Tamanna nunatsinni qinikkat sulineranni isumaqatigiissutaalluarpoq.
Uani decemberimi pissakiunnernut ikiuuttoqarnerani tamanna takuneqarsinnaavoq, tassami juulleriartornerani nerisassanik akeqanngitsumik aamma allatigut ilaqutariinnut isertitakitsunut aningaasanik tunioraasoqarpoq.
Aaqqissuussat assigiinngitsut
Ukiut siulii assigalugit Ilaqutariinnermut, Naligiissitaanermut Isumaginninnermullu Naalakkersuisoqarfik ukioq manna ilaqutariinnut pissakinnerusunut juullikkunni aaqqissuussinissanut ikiorsiiniarpoq.
Ilaqutariinnut pissakinnerusunut tunngatillugu juullikkunni aaqqissuussinissanut kommunit tamarmiusut aningaasanik qinnuteqarsimapput. 2015-imi juullikkunni aaqqissuussinissamut aningaasat 365.000 koruunit missaat tapiissutigineqarput.
Aningaasat juullikkunni aaqqissuussinissanut assigiinngitsorpassuarnut atorneqartussaapput. Assersuutigalugu Qaanaami ilaqutariinnut 30-35-inut puussiarsuit nerisassanik qerisunik imallit tunniussuunneqassapput, Qeqertarsuarmilu meeqqanut 270 missaaniittunut juullikkunni sammisaqartinneqassapput.
Juulli immikkut ittumik pingaarutilittut isigigaa
uullikkunni aaqqissuussinerit assigiissutigaat ilaqutariinnut pissakinnerusunut tamarmik tunngatinneqarmata, tamannalu ilaqutariinnermut, naligiissitaanermut isumaginninnermullu naalakkersuisup, Martha Lund Olsenip nuannaarutigaa.
- Juulli tamatsinnut isumaqartorujussuuvoq. Taamaattumik nuannaarutigaara inunnut pisariaqartitsinerusunut nunarput tamakkerlugu juullikkunni aaqqissuussinissanut assigiinngitsunut ukioq maannattaaq ikiorsiisinnaagatta. Tamanna kissalaartumik tapersiineruvoq, tusagassiorfinnut nalunaarummi oqarpoq.
Allaaserisat juullimut tunngasut tamaasa uani atuakkit