meeqqat atuarfiat
Namminersorlutik Oqartussat: Narsap Atuarfianut ikiuiartortoqassaaq
Ilinniartitaanermut naalakkersuisoq Narsap Atuarfianut tatineqaqisumut pilertortumik ikiuiartortitsiniarpoq, matumani piginnaanngorsaanissaq annerusumik nassuiarneqanngitsoq pineqarluni. Tamatuma peqatigisaanik Kommune Kujallermi atuarfiit ilaanni ajornartorsiummik pilersoqarpoq
Narsap Atuarfiani ilinniartitsisut atuartullu ukiuni arlalinni naammaginanngitsunik atugassaqartitaareersullu atuarfik piffissami qanittumi qitiusumit ikiorserneqartussanngorpoq.
Ilinniartitaanermut naalakkersuisup Nivi Olsenip tamanna oqaatigaa, atuarfimmi tassani ilaatigut angusanik siorna ukiup naalernerani isornartorsiuinini qaqugu iliuuseqarfiginiarneraa AG-mit apeqqutigineqarmat.
Atuaruk: Narsami atuarfik paatsiveqanngitsoq
Ikiorserneqassasoq
- Piginnaanngorsaasoqarnissaa suliassatut aalajangiuppara, atuarfimmi taamaalilluni perorsaanikkut aqunneqarnermigullu ikiorserneqarsinnaaniassammat. Piginnaanngorsaanissaq qanittukkut pisussaassaaq, Nivi Olsen oqarpoq.
Taanna isumaqarpoq atuarfimmi suliassatut tikkuunneqartut tassaasut angajoqqaat aamma illoqarfinnguami tassani inuiaqatigiit tamarmik.
Atuaruk: Atuarfiit pisortaat Nivi Olsenip saassuppai
Ajornartorsiut aaqqinneqassaaq
- Tikkuarneqartulli aamma tassaapput ilinniartitsisut aamma atuarfimmik aqutsisut, taanna oqarpoq erseqqissaallunilu:
- Eqqarsartaasera naapertorlugu ajornartorsiummik aaqqiisoqassappat taava aamma suliniuteqartoqartariaqarpoq, taamaalilluta maanna piginnaanilinnik atuarfiup qanoq ingerlalluarsinnaaneranik ilisimasalinnik taqqavunnartitsissaagut taakkulu ilinniartitsisunut atuartunullu iliuuseqassallutik.
Atuaruk: Narsami atuarfiup isornartorsiorneqarnera kommunip akissuteqarfigaa
AG-mi uani sapaatip akunnerani saqqummertumi allaaserisaq tamaat atuaruk, taanna uani pisiarisinnaavat: