Skip to main content

Namminersorlutik Oqartussat najugaqarfiutaani ineqarnermut akiliutit qaffanneqalersut

INI A/S-imi attartortut 2.877-it ineqarnermut akiliutit januaarip aallaqqaataani 2022-mi qaffannissaat naatsorsuutigisinnaavaat. Pisariaqavissumik iluarsaasinissamut aningaasartuutigineqartussanut Namminersorlutik Oqartussat 4,9 millionit koruunit atorfissaqartippai.

Ineqarnermut akiliutit Nanortalimmi, Paamiuni, Nuummi, Maniitsumi illullu ilaqutariinnut ataatsinut inissiani aamma illut affarleriittuni ineqarnermut akit januaarip aallaqqaataani 2022-mi qaffanneqarnissaat naatsorsuutigisinnaavaat. Namminersorlutik Oqartussat najugaqarfiutaannit 16-iusunit arfineq-marlunni ineqarnermut akiliutit qaffanneqassapput. 

- Najugaqarfiit missingersuutaat oqimaaqatigiissasut, taamaalillunilu aningaasartuutit isertitallu assigiissasut inatsisini ersarissorujussuarmik allassimavoq, Ineqarnermut Naalakkersuisoq, Naaja Nathanielsen oqarpoq. 

Oquk, igalaat ussiitsut betonngilu qulloortoq Nunatsinni inissianik attartortut ulluinnarsiutigaat. 

LÆS OGSÅ: DTU: Inissianik iluarsartuussineq milliardinik akeqassaaq

1-9 procentimik akit qaffassapput

Ineqarnermut akit najugaqarfinni arfineq-marluusuni 1,3 procentimik 9 procentillu akornanni qaffanneqarnissaat naatsorsuutigineqarpoq. Ineqarnermut akit ilai qaammammut 560 koruuninik qaffassapput sumiiffiillu ilaanni 50 koruunimik qaffaasoqassalluni. Ineqarnermut akiliutit qaffanneqarnerinut attartortitsinermut peqqussut malinneqarpoq, ilaatigut tassani inissiat aserfallatsaaliorneqarnissaat qulakkeerniarneqarpoq.

Ukiuni arlalinni aserfallatsaaliuinissamut aningaasaliisoqartarsimannginera inissiat akiisa qaffanneqarneranut peqqutaasoq, Ineqarnermut Naalakkersuisoq erseqqissaavoq. 

Inissiat tamakkerlugit iluarsaaneqassappata 2018-imi Danmarks Tekniske Universitetimi, sanaartornermut ilisimatusarfiup misissuinerit takutippaat iluarsaasinerit 12 aamma 18 milliardit koruunit akornanni akeqassasoq. 

Namminersorlutillu Oqartussallu iluarsaasinermi akissaatinik kinguaatoornermi 1,9 milliardit koruuniusut nalilernikuuaat. 

Ukiut tamaasa naleqqussarneqartassapput

- Ineqarnermut akiliutinut iluarsiissutissat atorlugit Namminersorlutik Oqartussat inissiaataanni aserfallatsaaliuisoqarsimannginneranut ajornartorsiut peerneqassanngilaq, kisiannili iluarsagassat sukkasuumik pisariaqarluinnartumillu iluarsisassat ingerlatsinermilu aningaasartuutit isumagineqarnissaat qulakkeerneqassaaq, Naaja Nathanielsen oqarpoq nangillunilu: 

-Aserfallatsaaliuisoqarsimannginnerata ajornartorsiutaaneranut annertuumik aammalu Naalakkersuisut “Inissianut Tamarmiusunut Pilersaarut”-mi tunngavissiuisimanerat malillugu suliniuteqarnissaq pisariaqarpoq. Maanna aserfallatsaaliuisimannginnerit naammassiniarlugit suliniuteqartoqavinnissaa, taamaalillunilu Namminersorlutik Oqartussat inissiaataannik attartortut pitsaasunik peqqinnartunillu ineqarnissaat najugaqartunut pingaaruteqarluinnarpoq.

LÆS OGSÅ: Ineqarnermut pilersaarut kommuninit itigartitsissutigineqartoq

Namminersorlutik Oqartussat najugaqarfiutaanni 2022-mut missingersuusiornermut atatillugu aamma Naalakkersuisut aalajangerput, Namminersorlutik Oqartussat inissiaataanni ineqarnermut akiliutit ukiumoortumik akit allanngoriartornerinut nalilersuut malillugu iluarsineqartassasut, tassalu siullermeertumik 1. januar 2023-mi. Taamaalilluni najugaqarfinni missingersuutitigut amigartooruteqartarnissaq pinaveersaartinneqassaaq, Namminersorlutik Oqartussat paasissutissiipput. 

Ineqarnermut akiliutit qaffanneqartussat uani ataani takukkit:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER