Aleqap atornerluinera
Namminersorlutik Oqartussat kukkunerat Naajap kamaatigaa
Kukkuluttornikkut aqqit arlallit, Aleqa Hammondip kukkunersiuiffigineqarneranut attuumassuteqanngitsut, Inatsisartut kukkunersiuinermut ataatsimiititaliaata Naalakkersuisullu siulittaasuata akornanni mail-ikkut attaveqaqatigiinnermi qaavatigut titartorneqartarsimanngillat. Kukkuneq maanna aaqqinneqarpoq
Inatsisartut kukkunersiuinermut ataatsimiititaliaata paasissutissiineratut Naalakkersuisut siuittaasut Aleqa Hammond, Siumutd, ukiup ataatsip ingerlanerani namminersorlutik oqartussat landskarsiannut 106.363.27 koruuninik akissaqalersimavoq.
Akiligassat pilersimapput timmisartunut billetsitigut, tamatumani namminersorlutik oqartussat Naalakkersuisut siulittaasuata ilaqutaanut timmisartumut biletsinut aningaasartuutit kiisalu akunnittarfimmi aningaasartuutit akilertarsimallugit, ilanngullugit neriniartarfimmiinneq minibarimillu tigusat. Kukkunersiuisumit, Inatsisartunit toqqarneqarsimasumit, ilanngullugu paasissutissiissutigineqarpoq namminersorlutik oqartussat ilassinnittarfiat nammineq festernermut atorneqarsimasoq.
Naaja: Aasiit nuanniitsumik pissusilersorneq
Tamatumunnga atatillugu Naalakkersuisut siulittaasuata aamma Inatsisartut kukkunersiuinermut ataatsimiititaliaata akornanni mail-ikkut attaveqaqatigiissimanerit naalakkersuisut.gl-ikkut tamanut saqqummiunneqarput.
Ajornartorsiutaavoq inuit arlallit, pisimasumut attuumassuteqanngitsut, aqqisa ilanngunneqartarsimanerat, tamannalu ´mianersuaalliorneruvoq´, taamatut isumaqarpoq Inuit Ataqatigiit tunuliaqutarlugit Inatsisartunut ilaasortaq Naaja Nathanielsen, maanna USA-miittoq.
Taanna Facebookimi quppernermini allappoq.
´Mianersuaalliorneq! Ippassaq (tallimanngornermi, aaqqiss.) Aleqa Hammondip kukkunersiuiffigineqarneranit allakkat tamarmik Inatsisartunut nassiunneqarput. Kukkunersiuinermulli Ataatsimiititaliap inuit, politikkikkut toqqarneqarsimanngitsut, tamaasa aqqi qaavatigut titartarsimanngilai. Maanna Naalakkersuisut allakkat tamakkua tamanut saqqummiuppaat aqqit tamaasa ilanngullugit. Meeqqat peqatigisallu taaneqarsimasut pisimasumut attuumassuteqanngillat! Isumaqarpunga tamanna mianersuaalliornerusoq. Aasiit nuanniitsumik iliorneq´.
Naalakkersuisut.gl-ip aqqit qaavatigut titartorsimavai.