Skip to main content

Namminersorlutik Oqartussat ingerlatseqatigiiffiutaat coronamit ajornartorsiortinneqartoq

Greenland Oil Spill Responsep namminneq piumassutsiminnik suliaqartartut ilaasa piginnaasaannik 2020-mi qaffassaanissamik kissaatini, nunarsuarmi tuniluuttoqarnera pissutigalugu naammassisinnaasimanngilaa.

Greenland Oil Spill Response 2020-mi aningaasaqarnikkut naammaginartumik inissisimasimavoq, aappaatigulli coronap nunarsuarmi tuniluunneratigut suliassatut kissaatigineqartut ilaat ingerlatseqatigiiffimmit suliarineqarsinnaasimanngillat.

Tamanna ingerlatseqatigiiffiup ataasinngornermi ataatsimeersuarnerani saqqummiunneqarpoq.

Pisortaaneq siulersuisunilu ilaasortaq Steen Ove Hansen ukiumut qaangiuttumut nalunaarut pillugu saqqummiussivoq:

AAMMA ATUARUK: Assit: Uuliaarluartoqarnissaanut sungiusartut

- 2020 ukiuusimavoq unamminartortaqartoq. Ukioq aallartilluarsimavarput, coronali pissutigalugu namminneq piumassutsiminnik suliaqartartut piginnaasaannik qaffassaalluta pikkorissaanissamik pilersaarutivut sukkasuupilussuarmik ajornarsisimapput, Steen Ove Hansen oqarpoq.

Ingerlatseqatigiiffiup angumerinngittuukkatik 2021-mi naammassiniarniarpai, ilaatigut Greenland Oil Spill Responsemit neriuutigineqarpoq, pikkorissaanissat naammassiniarlugit siunnersortinik immikkut ilisimasalinnik tikisitsisoqarsinnaassasoq

Amigartooruteqarujussuarnermiit sinneqartooruteqalaarnermut

Pisortaanerup ilanngullugu oqaluttuaraa, uuliaqartoqarnerani 2020-mi misissuisoqarsimanngitsoq.

Pisortaanerulli nuannaarutigaa, suliassanik arlalinnik isumaginninnissamut ingerlatseqatigiiffiup Issittumi Sakkutooqarfimmik isumaqatigiissuteqarsimanera.

- Suleqatigiinnerup malitsigisaanik sungiusarnerit arlallit qujanartumik naammassisinnaasimavavut, sungiusarnerit Greenland Oil Spillimut IssittumiLU Sakkutooqarfimmut iluaqutaasartupilussuupput, Steen Ove Hansen oqarpoq.

Tamakkua saniatigut ukiumi 2020-mi naatsorsuutit malunnaatilimmik pitsanngoriarsimapput. Ukiumoortumik nalunaarusiami atuarneqarsinnaavoq 78.713 koruuninik sinneqartooruteqartoqarsimasoq, tassa ukiup siulianut sanilliullugu 3,2 millioner koruuninik pitsanngoriarsimallutik. 2020-mi 4 millioner koruuninik kaaviaartitsisoqarsimavoq, ukiup siuliani 1,7 millioner koruuninik kaaviaartitsisoqarsimasoq.

Siulersuisut nutaamik ilaasortaqalersut

Greenland Oil Spill Responsep siulersuisui ukuupput

Kristine Lange Lyberth

Hanne Berthels

Steen Ove Hansen

Ingerlatseqatigiiffimmi siulersuisut pingasunik ilaasortaatitaqarput, siulittaasorlu Oddbjørg V. Greiner siulittaasutut ingerlaqqikkusussimanngilaq.

Tassungalu taarsiullugu Kristine Lange Lyberth siulersuisuni ilaasortanngortinneqarluni.

Bestyrelse.gl naapertorlugu, Kristine Lange Lyberth EIMSKIP GREENLAND A/S-imi key account manageriuvoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER