nikisitsineq
Namminersorlutik Oqartussat inatsiseqarnermut pisortassarsioqqissapput
Kim Blokbo Inatsisartut ombudsmandianni inatsiseqarnermut pisortatut nutaatut atorfinitsinneqarpoq
Namminersorlutik Oqartussat inatsiseqarnermut nutaamik pisortassarsioqqissapput.
Inatsisartut ombudsmandiat Vera Leth nalunaarpoq namminersorlutik oqartussani inatsiseqarnermut pisortaq Kim Blokbo, Inatsisartut ombudsmandianni inatsiseeqarnermut pisortatut atorfinitsillugu.
Cand.jur. Kim Blokbo, 53-inik ukiulik, aggustip aallaqqaataanit atorfimminut ikkutissaaq.
Inatsiseqarnermut pisortanngortussap kingoraassavaa cand.jur. Anders Jørgensen, ukiuni sisamani tassani atorfeqarsimasoq, ukiut kingulliit pingasut missarpiaat inatsiseqarnermut pisortatut atorfeqarsimasoq, nutaanik unammilligassarsiormat.
Soraarsitsineq assortuussutaasoq
Namminersorlutik Oqartussani inatsiseqarnermut pisortaasimasoq Andreas Salmony, Siulittaasup Naalakkersuisoqarfiani inatsiseqarnermut pisortatut atorfeqarsimasoq, 2013-imi juunimi atorfimminit tunuarpoq, nammineq naalakkersuisoqarfiullu akunnerminni soraarnissamut isumaqatigiissut malillugu. Taanna soraarsitaavissutut oqaatigineqarsinnaavoq, tamannalu tusagassiorfinnit sammineqarsimaqaaq, pissutigalugu inatsiseqarnermut pisortaasimasup taassuma kimigiiserutigisimammagu eqqartuussissuserisup misissuinerata inernera nunatsinni tusagassiorfinnut tunniunneqassasoq.