Skip to main content

Namminersorlutik Oqartussat ilinniartitsisunut eqqissisaasut

Ilinniartitsisut Atorfillit Kattuffiannut ilaasortaasut aningaasarsiaasa qaffaassutissaat kingusinnerpaamik qaammatip matuma naanerani tunniunneqassapput

Namminersorlutik Oqartussat tusagassiorfinnut nalunaaruteqarnerminni neriorsuutigaat, ilinniartitsisut aningaasat amigaatigisaat tunniunneqangajalersut.

AK-mi siulittaasup Dina Olsenip sisamanngormat naammagittaalliuutigaa, piffissaq suliffiusussaq pillugu isumaqatigiissut oktoberip qaammataani akuerineqartoq, januaarillu aallaqqaataani atuutsinneqalersussaq, neriorsuutigineqartutut aningaasarsiat qaffaassutissaanik 8.000 koruuniusunik tunnissinermik kinguneqarsimannginnera.

- Aningaasarsianut aaqqiissutissat assigiinngisitaartuupput ilinniarfinnut immikkoortunullu assigiinngitsunut agguataarsimallutik. Taamaattumik aningaasarsiat tunniunneqartinnagit kukkunnginnissaq anguniarlugu mianersoqqissartumik suliarineqartariaqarsimallutik, Aningaasaqarnermut Sulisoqarnermullu Aqutsisoqarfimmit (ASA) nassuiaatigineqarpoq.

- Aningaasaqarnermut Sulisoqarnermullu Aqutsisoqarfiup (ASA) januarip naajartulernerani AK ilisimatippaa akissarsianut aaqqiissutissat tunniunneqarnissaat qaammammik ataatsimik kinguartoortussanngortoq. AK-mik januarip ingerlanerani attaveqartarnerit saniatigut Aningaasaqarnermut Sulisoqarnermullu Aqutsisoqarfiup ilisimatitsissuteqarnissaq siunertaralugu AK tallimanngornermi 7. februar ataatsimeeqatigaa, tassanilu akissarsianut aaqqiissutissat annikitsualuttortai ilanngullugit nassuiaatigineqarlutik, Aqutsisoqarfik ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER