Skip to main content

Namminersorlutik Oqartussat attuumassuteqarpallaarneq pillugu suliami pappialanik isertuussisut

Sermitsiaq.AG Maniitsumi Nuummilu nipisattassiissutinik qaffaasoqarmalli, aalajangiisimanermut tunngaviusut pillugit paasissutissanik takunnikkusuttarsimagaluarpoq. Maannamulli itigartinneqartuarsimavoq.

Nipisattassiissutinik qaffaasimaneq pillugu suliami, siulittaasoq maajip aqqaneq-aappaanni aalajangiisoqarmat attuumassuteqarpallaarsimanersoq erseqqissumik paasisassaanngilaq.

Pappialatitut uppernarsaatit allat ilaatinneqanngitsut

§ 10. Takunnissinnaatitaanermut ilaatinneqanngillat:
1) Naalakkersuisut ataatsimiissimanerannit imaqarniliat, aamma pappialat oqartussat taamatut ataatsimiinneranni atugassaut suliarineqarsimasut.

Apeqqutit annertuut ilagaat, suliap tusarniaassutigineqarneranut akissutini tamani, ingerlatsinissamut pilersaarut malillugu TAC-tut aalajangersakkank malinninnissaq kaammattuutigineqaraluartoq, Naalakkersuisut maajip aqqaneq-aappaani nipisattassiissutinik qaffaanissamut sunik tunngaveqarsimanersut.

Pisortat ingerlatsineranni suliassat suliarineqartarnerat pillugu inatsimmi pappialaatitut uppernarsaatit allat ilaatinneqannginnerat innersuussutigalugu, takunninnissamut qinnuteqaat itigartinneqartarsimavoq.

Kammeradvokatip misissuisimanerata pappialartaanik takunnissinnaannginneq

Apeqqut alla pineqartoq tassaavoq, Kammeradvokati Kim Kielsenimit misissueqquneqarami qanoq peqquneqarsimanersoq, tassa Kim Kielseni angallamminik nipisanniartumut atukkiussigami, pisassiissutinik qaffaanissap aalajangiiffigineqarnerata suliarineqarneranut attuumassuteqarpallaarsimanerluni misissortikkamiut qanoq peqqusisimanersoq paaserusunneqarsimagaluarpoq.  

Suliakkiissummulli aamma tunngassuteqartut pillugit paasissutissanik Namminersorlutik Oqartussat innuttaasunik avitsqateqarusunngillat. Sermitsiaq.AG juunip 17-iani pappialanik takunnikkusussimagaluarpoq, juunillu 22-ani akissutisisimalluni imatut nipilimmik:

- Kammeradvokatimut nalileqquneqarsimavoq, 2020-mi maajip aqqaneq-aappaani Naalakkersuisut siorna pisassiissutaasimasunik ukioq mannamut nuussiniarlutik aalajangiinerannut, Naalakkersuisut Siulittaasuat suliamut attuumassuteqarsimannginnersoq/ attuumassuteqarpallaarsimanersoq. 

Ataatsimiititaliap misissuisimaneranit nutaarsiassaqanngitsoq

Sermitsiaq juunip 23-ani aammaarluni suliakkiissummik tamarmiusumik takunnikkusoqqissimagaluarpoq. Akissut juunip 29-ani tiguneqarsimavoq, pappialaatitullu uppernarsaatit allat ilaatinneqanngitsut innersuussutigalugit itigartinneqarluni:

Naalakkersuisut Siulittaasuata Naalakkersuisoqarfianit Eqqartuussissuserisumut Poul Schmidtimut suliakkiissut il. il.  pappialanik takunnissinnaatitaanermut ilaatinneqanngilaq, tak. pisortat ingerlatsineranni suliassat suliarineqartarnerat pillugu inatsimmi  § 10, nr. 4.

§ 10. Pappialanik takunnissinnaatitaanermut ilaatinneqanngilaq:
4) Oqartussat suliamik ilisimasalimmik allaqateqartarsimanerat, eqqartuussivimmi atugassatut imaluunniit eqqartuussivikkoortitsinissamik eqqarsaateqarnermut atugassatut allagaqatigiissimanerit.

Eqqartuussissuserisut misissuinissaannut suliakkiissutinik Sermitsiaq.AG aatsaat siullermeerluni pappialanik takunnikkusussimanngilaq. Kingullermik tamanna pivoq, Akileraartarnermut Aqutsisoqarfiup soraarnerussutisiassanik aqutsinera pillugu Aningaasaqarnermut Naalakkersuisoqarfik Kammeradvokatimut misissueqqusimmat, kiisalu Inuussutissarsiornermut Naalakkersuisoqarfik suliaq pineqartoq pillugu eqqartuussissuserisumut misissuititsimmat. Taamanikkut pisuni taakkunani marluusuni pappialatut uppernarsaatit tamakkiisumik takutinneqarput. 

Inatsisartut Kukkunersiuinermut Ataatsimiititaliaata sulia juunip tallimaani misissuiffigalugu aallartippaa, ataatsimiititalialli suliaa qanoq ingerlanersoq pillugu innuttaasut suli tusartinneqanngillat.

Læs hele sagen:

  1. Naalakkersuisut sætter MSC-certificering over styr
  2. Island har manglet MSC i flere sæsoner
  3. Uenighed om kvoteforøgelse
  4. Jeg har ikke hævet stenbiderkvoten
  5. Kielsen udnytter sin position
  6. Kim Kielsen skal undersøges af lovudvalget
  7. Revisionsudvalget vil undersøge Kielsen
  8. Forklaring om kvoteforhøjelser holder ikke
  9. Ingen er hævet over loven
  10. Inatsit kikkunnut tamanut atuuppoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER