qunusaarineq

Namminersorlutik Oqartussanut sioorasaareqqittoq nassuerpoq

Nuuk Centerimi aamma illuni eqqaaniittuni politiit assersuineq

Upalungaarsimanermik suliaqartut Nuuk Centerip silataaniittut

Aallaaserisaq paasissutissanik nutaanik ilaartorlugu nalunaaqutaq 14.20 allanngortinneqarpoq

Angut tarnimigut napparsimasoq Nuummi Namminersorlutik Oqartussanut allakkatigut sioorasaarisuuvoq - taamaattumillu allaffeqarfimmi Nuuk Centerimi, pisiniarfinni aammalu Inatsisartuni sisamanngornerup ullaap tungaani qimagutsitsinermut pisuuvoq.

Unitsinneqarpoq
- Inuk tarnimigut napparsimasoq, Dronning Ingridip Napparsimmavissuanut tarnimikkut napparsimasut uninngavianni inissinneqarsimasoq, allakkanik sioorasaarutinik nassitsisuulluni nassuerpoq, unnerluussisussaatitaaneq Morten Nielsen ilisimatitsivoq.

Angut novemberip 16-ni Namminersorlutik Oqartussanut arlalinnik sioorasaaruteqartoq, pisortat namminerlu akunnerminni aningaasanik aaqqiagiinngissuteqarnasoraluni taamaliortoq sioorasaareqqissimasoq, Morten Nielsenip uppernarsarpaa.

Atuaruk: Angut Namminersorlutik Oqartussanut sioorasaarisoq

Assersuiunnaartut
Qimagutsitsinerup kingorna politiit illut misissorpaat - pasinarsinnaasumillu nassaaratik.

- Taamaattumik politiit assersuineq taamaatippaat illullu atoqqinneqarsinnaanngorlugit iperarlugit, unnerluussisoq ilisimatitsivoq.

Atuaruk: Angut Namminersorlutik Oqartussanut sioorasaarisoq

Aamma takukkit:

Qimagutsitsinermit assit takukkit

Politiit Nuuk Centerimit qimagussortitsipput

Powered by Labrador CMS