Skip to main content

Nammineq piumassutsimik upalungaarsimasoqartarneq pitsanngorsaaffigineqassasoq

Allattoqarfik nutaaq Issittumi Sakkutooqarfimmi nammineq piumassutsimik upalungaarsimasoqartarnerup pitsanngorsaaffigineqarneranut ikorfartortaassaaq

Nammineq piumassutsimik upalungaarsimasutut suliaqarusutut suliaqarusukkaanni sulisitsisumit paasineqartariaqarpoq. Nuummi allattoqarfissap nutaap tamanna siuarsaaqataaffigissavaa.

InterForce, tassaavoq Kalaallit Nunaanni allattoqarfimmik ammaalersoq. Danmarkimi InterForce illersornissaqarfiup Reservestyrkinik atuisarnera Hjemmeværnimilu namminneq piumassutsiminnik peqataasartunik atuisarnera pillugit illersornissaqarfimmik namminersorlutillu suliffeqarfiutilinnik suleqateqarpoq.

Nuummi allattoqarfiup nutaap Kalaallit Nunaanni innuttaasut Issittumi Sakkutooqarfimmi nammineq piumassutsimik upalungaarsimasoorusuttut suliffeqarfiillu ulluinnarni sulisunik taakkuninnga sulisoqartut pitsaanerpaamik attassuteqaqatigiinnissaat pilersinniaqataaffigissavaa.

- Issittumi Illersornissaqarfiup suliassai pillugit Kalaallit Nunaannik suleqateqarnitta pitsanngorsaaffigineqarnissaa pingaarnerpaatitamma ilagaat, illersornissamut ministeri Trine Bramsen (Soc) oqarpoq.

- Ilaatigut tamanna pissaaq kalaallit suliassanut peqataatinneruneratigut. Kalaallit Nunaanni InterForcemi suleqatigiinnerup aallartinneqarnissaa manna sulissutigaarput. Kalaallit Nunaanni InterForcep kalaallit namminneq piumassutsiminnik upalungaarsimasoorusuttut inerisarneqarnerat ikorfartussavaa Illersornissaqarfiullu Kalaallit Nunaanni Reservestyrkiisa atugaat pitsanngorsaaffigeqataallugit. InterForce aamma aqqutigalugu Illersornissaqarfiup Kalaallit Nunaanni sakkutuunngortitsiniartarneranut tunngaviusoq pitsanngorsarneqassaaq.

InterForce sakkutooqarnermut tunngassuteqanngilaq, suleqatigiiffittulli aaqqissuussaallun. Kalaallit Nunaanni InterForce taamaalilluni niuertunit namminersortunit aqunneqassaaq, siulittaasoq ilaasortallu arlallit inuussutissarsiortunit inutttaqassallutik. Issittumik Sakkutooqarfimmi pisortap tullia ulluinnarni aqutsisunut aamma ilaasortaassaaq.

Suliassaq aallartinniarlugu allattoqarfimmi sulisussamik maanna atorfinitsitsisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER