Naluttarfiup ammasarfini annikillisilerpai
Naluttarfiup imiata pitsaassusaa pisariaqartinneqartoq qulakkeerniarlugu aamma meeqqerivinni meeqqat nalukkiartarnissaannut periarfissiiniarluni, Nuummi naluttarfiup Maliup ammasarfii allanngussallugit aalajangertoqarpoq.
Marlunngornikkut sisamanngornikkullu naluttarfimmi Malimmi innuttaasut ullaakkut piffissami 06.00-ip aamma 08.00-ip akornanni nalukkiarsinnaajunnaassapput. Aammattaaq sapaatip-akunnerata naanerani aamma nalliuttuni ammasarfiit 08.00-20.00-imut ammasarfiit annikillingaatsiarneqassapput, taamaalilluni nalunaaqutaq 08.00-mit 16.00-mut ammasalissalluni.
Meeqqanut Atuarfimmullu Ingerlatsiviup ataatsimiititaliami politikerinut juunip 18-anni tulliani ataatsimiinnissamut tamanna innersuussutigaat.
Eqqiaaneq
- Piffissanik allannguinermut annerusumik ikisimaartarfiit pingasuusut tamarmik erngisa taarserneqartarnissaannut inissaqarnissaq pissutaavoq. Imermik taarsiineq erngup uninnganerani pisussaavoq, tamannalu ullaakkut pisassaaq inoqartinnagu. Siusinnerusukkut naluttarfiup ernganik taarsiisarneq naluttarfiup ammanerata nalaani, inoqartillugu, pisarsimagaluarpoq. Kisianni Naluttarfik Malik-mi sulisut naliliinerat malillugu, tamanna ullaakkut pisarnissaa pitsaaneruvoq, imeq uninngasarami minguillu naqqanut nakkarsimasarlutik. Erngup taarserneqarnerata kingorna ikisimaartarfiit kiassaqqinneqartussaapput, imeq taarsiunneqartoq nillertuusarmat, Kommuneqarfik Sermersuumi Meeqqanut Atuarfimmullu ataatsimiititaliamut paasissutissiissummi tamanna atuarneqarsinnaavoq. Ataatsimiititaliap ammasarfinnut nutaanut innersuussut ilalissagaa, ingerlatseqatigiiffik siunnersuuteqarpoq.
Weekendini ammasarfiit allanngortinneqarnerinut tunngatillugu nassuiaatissaq allaavoq.
Naluttarfimmi atuisut siunnersuisoqatigiivisa meeqqerivimmiut ullaap tungaani annaassiniartartumik/ilitsersuisumik ilaqartarnissaannik kissaateqarneq taperserpaat.
- Atuisartut Siunnersuisoqatigiivisa kissaatigivaat meeqqerivimmeersut meeqqat meeqqerivimmiillutilli Malik-mi imermi pinnguarneq misigisariaqaraat, ingerlatsiviup aalajangerneranit tamanna atuarneqarsinnaavoq. Meeqqat meeqqerivimmiittartut imermi kissartumiitinneqartarput ataasinngornikkut, marlunngornikkut, pingasunngornikkut aamma tallimanngornikkut nal 10.00-12-00-imut, tassani annaassiniartartoq nalunnermik ilitsersuisorineqartarpoq.
Atuisut amerlanerujussuit
Ammasarfiit nutaat 2019-2020-imut atuupput, tassanilu folderimik suliaqarnissaq pilersaarutaavoq, atuisut assigiinngitsut naluttarfimmut qaqugukkut isersinnaasarnersut oqaluttuarineqassallutik, taanna ukiunut siuliinut sanilliullugu sæsonimi kingullermi 36 procentinik amerlanerusunik nalugiartoqarsimavoq. Taamaalillunilu atuisut 136.000-it anguneqarlutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...