Nalunaarusiaq: Peqqinnissaqarfimmi naammagittaalliuutigineqarnerpaasartoq

Nunatsinni Nakorsaaneqarfimmi innuttaat ukiuni kingullerni tallimani peqqinnissaqarfimmi misissortissimanerit, suliaritissimanerit kiffartuunneqarsimanerillu misissuiffigineqarsimanerat tunngavigalugu innuttaasut sunik naammagittaalliuuteqartarnersut misissorneqarsimavoq.

Napparsimasut piffissami sivisuumi misissuisoqartarnera, katsorsaasoqartarnera naammagittaalliuutigisarpaat, Nunatsinni Nkorsaaneqarfimmit kiffartuussisarneq misissuiffigineqarsimavoq. Ukiullu kingulliit tallimat ingerlaneranni peqqinnissaqarfimmi sulisunut 39-riarluni naammagittaalliortoqarsimavoq.

Napparsimasut ukiuni tallimani kingullerni naammagittaalliuutigisimasaat tunngavialugit Nunatsinni Nakorsaaneqarfimmit peqqinnissaqarfimmi sulisut 39-riarlunilu isorineqarsimapput.

Naammagittaalliuutit peqqinnissaqarfimmut tunniunneqarsimasut pillugit nalunaarusiami, Nunatsinni Nakorsaaneqarfimmit suliaritinneqarsimasumi tamanna atuarneqarsinnaavoq.

Misissortinnerit piffissamilu sivisuumi suliarinnittarnerit kiffartuussinerlu naammagittaalliuutigineqartartut, Nunatsinni Nakorsaaneqarfimmit nalunaarusiaq ”Peqqinnissakkut sullinneqarneq pillugu maalaarutit 2017-2021” aqqutigalugu ilisimatitsissutigineqarpoq.

2017-imiit 2021-mut naammagittaalliuutit 167-it aalajangiiffigineqarsimapput, taakkunannga peqqinnissaqarfimmi sulisunut atatillugit suliat 39-iusimallutik. Taamaalilluni isornartorsiuinerit sisamaagaangata ataaseq (23%) aaalajangiiffigineqartarsimallutik.

Timimik aalatitsisarneq

Nalunaarusiatigut takutinneqarpoq, pingaartumik Dronning Ingridip Napparsimmavissuani saanertigut naggussatigullu pilattaasarfik naammgittaalliuutigineqarnerusartoq, tassani kukkusumik suliaritissimanert, kiffartuussinerlunnerit iluamilluunniit ilisimatitsissuteqartoqarneq ajornera naammagittaalliuutigineqarnerusarlutik. Saanertigut naggussatigullu pilattaasarneq timimi aalatinneqarsinnaasunik ilinniarfiusarpoq. Matumani saarngitigut, nukitsigut naggussatigulluunniit nappaatit pineqarsinnaallutik.

Nunatsinni Nakorsaaneqarfimmit nalunaarusiatigut erseqqissaassutigineqarpoq, saanertigut naggussatigullu pilataasarfiup annertuumik suliaqarfiunera pissutigalugu naammagittaalliuutigineqarnerpaasarnera nalinginnaasuusoq.

- Tamanna napparsimasut amerlanersaasa saanertigut naggussatigullu nappaateqartuunerannik, aammali avatinut tunngassuteqartut maalaarutigissallugit tigussaanerugajunnerannik patsiseqarsinnaavoq, Nunatsinni Nakorsaaneqarfik nalunaarusiami allappoq.

Kræftertut akornanni aamma naammagittaalliuuteqartoqartaqaaq, tassan napparsimasut piffissami sivisuumi misissuisoqartarnerat naammagittaalliuutiginerusarpaat.

Naammagittaalliuutigineqarsimasut sooq misissuiffigineqarpat

Nunatsinni Nakorsaaneqarfimmit naammagittaalliuutigineqartartunut tunngaviunerusartut pingasut suunersut misissuiffigineqarsimavoq.

Misissuinermi siunertarineqarput:

  • Suut maalaarutaagajunnerunerannik, kikkut maalaartuunerannik maalaarutillu nunap immikkoortuini sorlerninngaanneernerinut pingaarnertut takussutissaqarneranik ersersitsisinnaasunik naliliinissaq.
  • Maalaarutit qassit aalajangiivigineqarnerannik aalajangiinerullu qanoq inerneqarneranik naliliinissaq.
  • Maalaarutini sammisat akimuisut suussusersinissaat, napparsimasut Peqqinnissaqarfimmik naapitsinerminni, misissugaritinnerminni nakorsartinnerminnilu misigisaannik paasisimasaqalernissaq.
Powered by Labrador CMS