namminersortunngorsaaneq
Nalunaarusiaq: Tele aggulunneqarli politikkikkullu akuliusimaffigiunnaarneqarli
Mobiltelefoneqarnerup namminersortunngorsarneqarnissaa pillugu nalunaarusiaq Namminersorlutik Oqartussanit suliassiissutigineqarsimasoq aappaagumiit aallartittoqarnissaanik innersuussuteqarpoq
Kalaallit Nunaata mobiltelefoneqarneq namminersortunngorsaavigisariaqarpaa Tele-Post atuisunut iluaqutaasumik unammillerneqarsinnaaleqqullugu namminersortunngorsaanerlu aappaagu januaarip aallaaqataaniit atuutilersinneqartariaqarpoq.
Nalunaarusiami nutaami siunnersortitut suliffeqarfimmut Copenhagen Economicsimut nalunaarasuartaateqarnermut aqutsisoqarfimmit suliassiissutigineqarsimasuni, soqutigisalinnullu tusarniaassutigineqaqqammersumi, inassuteqaat taama erseqqitsigaaq.
Piumasaqaatit
- Akissuterput aappiuvoq, tamatumunngali piumasaqaatit atuuttariaqartut ilanngunneqarlutik. Taamaanngippammi naaggaarnissaq inassutigaarput. Piumasaqaatit pingasut atuuteriataassagaluarpata naliliivugut namminersortunngorsaaneq inuiaqatigiit aningaasaqarnerannit ukiumut 69-112 millioner koruuninik iluanaarutigineqarsinnaassasoq.
Atuaruk: Tele-Post internetimik niuernermi unammillerteqalerpoq
- Iluarnaarutissat taakkua Kalaallit Nunaanni telemik atuisunut iluaqutissanngussapput akit appasissut pitsaassuserlu qaffasinnerusoq aqqutigalugit, Copenhagen Economics allappoq.
Siunnersortit suliffeqarfiata piumsaqaatai pingasut Tele-Postip niuernermik ingerlatsinerata niuernerpalaartumik ingerlatsinermit isigalugu tamakkerluni ingerlalluarsinnaannginneranik pissuteqarpoq. Kalaallit Nunaanni suliaqarfinni allanisut pilersuineq amigartoorutaajuarfiusussanik ilaqarpoq.
Atuaruk: Demokraatit Telep kisermaassinera atorunnaarsikkusuppaa
Tele-Post aggulunneqarnissaanut piumasaqaatit suunersut uani sapaatip-akunnerani AG-mi saqqummertumi atuakkit, aviisi aamma uani pisiarisinnaavat: