Skip to main content

Nalunaarusiaq: Raajat qalipallit siunniullugit tulaassuisussaatitaaneq taamaatissiuk

Kalaallit Nunaata aalisarneq annerpaamik pissarsissutigissappagu sinerissamut qanittumi avataasiorlunilu aalisarnermut killigititaq atorunnaarsinneqartariaqarpoq raajallu avataasiutinit tulaassuisussaatitaaffeqanngitsunit aalisarneqartariaqarlutik, misissueqqissaarnermi tunuarsimaarunneqartumi inerniliussaq taama nipeqarpoq.

Naalakkersuisunit sinerissamut qanittumi aalisarneq, tulaassuisussaatitaaneq najukkamilu suliarinnittarneq siunnerfigiuarneqassappata Kalaallit Nunaat aningaasanik millionilikkuutaanik pingasunik kisitsisitalinnik ukiumut annaasaqartarsinnaavoq.

Taama Kalaallit Nunaanni aalisakkanik tunisassianut nalilinnik uiguleriiaanik misissueqqissaarinermi sukumiisumi, AG-mit pissarsiarineqarsimasumi, inerniliineq politikkimut tulluartuunngitsoq nipeqarpoq. Misissueqqissaarineq Naatsorsueqqissaartarfimmit suliassiissutigineqarsimavoq, siornalu decembarimi naammassilluni, maannamullu tunuarsimaarunneqarsimalluni.

Tassani naatsorsukkanit takutinneqarpoq raajaniarnermik aallanngortiterineq, sinerissamut qanittumi pisassiissutit avataasiutinut pingaartumik raajanik qalipalinnik tunisassiortunut tunineqarsinnaaffigisaat, suliffissanik 430-t angullugit amerlassusilinnik akeqassasoq, kisiannili tamatuma akerlianik suliunnaarsinneqartumut ataatsimut 1 million koruningajannik isertitaqarnerulernermik pilersitsissasoq. Tamanna raajat qalipallit kiilumut ataatsimut sinneqartoorutinik amerlanerujussuarnik pilersitsisarnerannik pissuteqarpoq.

- Aalisarnermi suliaqartut amerlanerujartortillugit siunissami aalisakkat ikinneruleriartussapput, aalisartut naammassisaqarsinnaanerat annikinneruleriartussalluni. Aalisarnermik suliaqarfik suliffissaqartitsiniarnermut tunngasunik eqqumaffiginniffigissallugu akisuujuvoq, nalunaarusiamik allattut Max Nielsenimit, Københavns Universitetimit professorimit, siuttuuffigineqartut allapput.

AG-mi paasisaqarnerugit, taanna uani pisiarisinnaavat: 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER