Kalaallit Nunaanni ullumikkut nalunaaquttap ingerlaqatigiiffia UTC -3 malinneqarpoq, UTC -2-mullu nalunaaquttap ingerlaarfianut nuunnissaq Naalakkersuisunit siunnerfigineqarpoq.

Siunnersuut tusarniutigineqareersoq maanna inatsisissamik siunnersuuteqartoqarpoq, tamannalu Inatsisartunit oqallisigineqassaaq.

Nalunaaqutamut nalinginnaasumut nalunaaquttap ingerlaqatigiiffia UTC -2 malinneqassasoq.
Kalaallit Nunaanni ullumikkut nalunaaquttap ingerlaqatigiiffia UTC -3 malinneqarpoq. Siunnersuut upernaaru atuutilissasoq siunnersuutigineqarpoq:

Inatsisissatut siunnersuut taamaalilluni ulloq 25. marts 2023, nalunaaqutaq 22.00, atuutilissaaq, tassani Kalaallit Nunaat aasaanerani nalunaaquttamut aammalu nalunaaquttap ingiaqatigiiffianut UTC -2 ikaarsaartussaareermat. 

Piffissaq aalajangersarneqarsimanngitsoq

- Kisianni nalinginnaasut akerlianik Kalaallit Nunaat 2023-mi oktobarimi arfininngorneq kingulleq ukiuunerani nalunaaquttamut/nalunaaquttamut nalinginnaasumut uteqqissanngilaq, kisianni nalunaaquttap ingiaqatigiiffiani UTC -2-miiginnassalluni, Naalakkersuisut inatsisissatut siunnersuummi allapput.

Siunnersuutip ulloq 25. marts 2023, nal. 22.00 aatsaat atuutilersinneratigut, UTC -3-miit UTC
-2-mut ikaarsaarneq sapinngisamik mianersuussinerpaasussamik atuutsinneqalissaaq:

- 2023-mi oktobarimi arfininngorneq kingulleq, Kalaallit Nunaata maannakkut nalunaaquttamut nalinginnaasumut (UTC -3) uteqqittussaannginnerani, kisianni siunissami nalunaaquttap ingiaqatigiiffiani UTC -2-mi ilaalertussaanerani, nalunaaquttap ingiaqatigiiffiata nutaap sunniutaa aatsaat innuttaasut malugissavaat.

Aasaanerani nalunaaqutaq UTC -1-inngussaaq, taannali 2024-mi aatsaat atuutsinneqalissaaq. Aasaanerani nalunaaqutaq EU-mit peerneqartinnagu Naalakkersuisut peerusunngilaat.

Kalaallit Nunaannut nalunaaquttap aalajangersarneqarnera inatsimmi
aalajangersarneqarsimanngisaannarpoq, aammalu maannakkorpiaq taanna qanoq
aalajangersagaanersoq ersarissumik ilisimaneqanngilaq. Allaffissornikkut
aalajangersarneqarsimasoq ilimanarpoq, tassa imaappoq danskit naalakkersuisuinit
imaluunniit Danmarkimi ministereqarfimmi, Naalakkersuisut nalilerpaat.

Sumiiffiit ilaanni allannguisoqassanngilaq

Kalaallit inatsisaat malillugu nalunaaqutaq aalajangersarneqassasoq Naalakkersuisut isumaqarput. Kalaallit Nunaata "Nalunaaquttap aalajangersarneqarnera” danskit naalakkersuisuinik isumaqateqarluni aalajangersagaq tigusussanngorpaa.

Kalaallit Nunaanni ullumikkut nalunaaquttap ingerlaqatigiiffia UTC -3 malinneqarpoq.
Taamaalilluni siunnersuummi siunnersuutigineqarpoq Kalaallit Nunaanni nalunaaqutaq
nalinginnaasoq nalunaaquttap akunneranik ataatsimik siuartinneqassasoq. Tassa imaappoq,
nalunaaqutaq ullumikkut 14:00-nngorpat, siunnersuummi siunnersuutigineqarpoq
tamatumunnga taarsiullugu nalunaaqutaq 15.00-nngussasoq. Tamatuma malitsigisaanik
Kalaallit Nunaata aamma Europap akornanni nalunaaquttap nikingassutaa nalunaaquttap
akunneranik ataatsimik sivikillissaaq, Naalakkersuisut nassuiaapput.

Ittoqqortoormiini, Danmarkshavnimi og Pituffimmilu piffissaq allanngortinneqassanngitsoq siunnerfigineqarpoq.