Nalliuttorsiutissaqarluarlutik sukkaniutitsissapput
Avannaata Qimussersua ukiuni 35-ni kiisalu KNQKukiuni 25-ni nalliuttorsiorput, Ville Siegstadillusukkaniuteqataasarnermini ukiut 49-ssaat peqataassaaq.
I lulissani anngunniuttut aqqutigisimasaat 30 kilometerinik isorartutigisoq atualaaginnarlugu ulloq 23. marts ullaap tungaa Ville Siegstad 78-iliisussaq qimusserpoq, ulloq taanna aalisariut Sisimiunut Avannaata Qimussersuanut unammiartuleruni qimuttunilu ilaaffissaat tikissamaartoq.
Aviisi Sermitsiaq taama allaaserisaqarpoq.
– Ukiormanna aallartikkamali ukiunik allugaqarnanga 49-ssaat anngunniuttunut peqataavunga, Avannaata Qimussersuanut ataqqinaammik ilaasortaq Ville Siegstad oqarpoq.
Taassuma saniatigut Ukkusissanit Hans II Petersen ataqqinaammik ilaasortaavoq, taanna Sisimiuni sukkaniunnissamut peqataasussatut akuersaarsimagaluarpoq, niumili napinerata kinguneranik peqataasinnaajunnaarsimalluni nalunaarsimavoq.
Nalliuttorsiorneq
Uummannami Avannaata Qimussersuanik aallarniisoqarnera tunngavigalugu ukioq manna ukiuni 35-nik nalliuttorsiornermi Uummannami sukkaniunneq ingerlanneqartussaagaluarpoq. Sikulli ajortinnera peqqutigalugu aaqqissuussineq Sisimiunut nuunneqartoq, KNQK-imi siulittaasoq Mikkel Jerimiassen ilisimatitsivoq.
Avannaata Qimussersuanut peqataasut 29-iusut Sisimiuni Oqummiannguup tasianit aapriilip aallaqqaataani nalunaaqutaq 13.00 aallassapput. Qimusseq Sisimiut paasissutissaatai aallaavigalugit Upernavik nunaqarfiiniillu, Uummannap sulluanit, Saqqamit, Qeqertamit, Ilulissanit, Qeqertarsuarmiit Sisimiuniillu peqataasoqassaaq.
Allaaserisaq tamaat Sertitsiami uani sapaatip akunnerani atuaruk. Uani isissutissarsigit:
