Nalliuttorsiorpalaartoq imaluunniit mamianartoq?
Sakkutuut imarsiortut najuunnerannik innuttaasunit mamiatsaatiginnittunit, Aki-Matildaattaveqarfigineqarsimalluni oqaluttuarpoq. – Ataqqinnilluni ilassinninneruvoq, akerlianik taamaoqartoqarpoq.
»Ajornartoornermi ikiuinissinnut qujanaq«.
Issittumi Sakkutooqarfiup ukiut ingerlanerini umiatsiamik angallatinillu anginerusunik
ajutoorsimasunit allagarsiaasa ilaanni taama allaqqasoqarpoq.
Aviisi AG allappoq.
Sakkutooqarfiup upalungaarsimanermut ilaanermini inuiaqatigiinnut iluaqutaasumik
atuuffeqarnera, Folketingimut ilaasortap Aki-Matilda Høegh-Damip (S) aamma apeqqusinngilaa. Kisianni umiarsuit alapernaarsuutit ukiut ilaanni Nuutoqqami Nuup saavani inuiattut ullorsiornermi sooq najuuttarnersut paaserusuppaa – nalinginnaasumillu sakkutuut imarsiortut illoqarfimmi uniformilerlutik takussaasarnerat:
- Pissutsit qanoq ataqatigiinnersut paasiniarsaraara. Taamaammat innuttaasut tamanna pillugu
uannut saaffiginnittut sinnerlugit illersornissamut ministerimut apeqqutigaara.
Aki-Matilda inuiattut ullorsiornermi Nuummi nammineq najuussimanani ilisimatitsissutigaa.
- Kisianni assit takuakka, mamiatsannartutullu misigalugu allapput, taanna oqarpoq, nangillunilu:
- Umiarsuit taakku pillugit suna siunertaanersoq paasiniarsaraara. Paasisara naapertorlugu kalaallit imartaanni sinerissami illersuinissaq suliassaraat, imatullu illoqarfinnut qanittuniittussaanatik, taanna oqarpoq.
Ilanngutassiaq tamaat aviisimi AG-mi sapaatip-akunnerani matumani saqqummersumi atuaruk, ugguuna iserfigisinnaavat.