Naliliisartoq: Qallunaat Nunaat pisariaqartikkunnaarneqarpat USA pisariaqartinneqalissaaq
Naalagaaffiit pissaanilissuit Issittumi soqutigisaqaleraluttuinnarnerat ilutigalugu kalaallit namminiilivinnissaannut allannguissaaq. Center for Militære Studierimeersoq Henrik Breitenbauch taama naliliivoq.
Amerikamiut Nuummi aallartitaqarfimmik ammaanissaat USA-p tungaaniit inussiarnisaarnerunnaanngilaq. Københavns Universitetiani Center for Militære Studierimi aqutsisoq Henrik Breitenbauch taama naliliivoq.
Amerikamiut nunanut allanut ministeriata Mike Pompeop, Issittumi Siunnersuisoqatigiit Finlandimi ataatsimiinneranni, Ruslandimik Kina-millu sakkortuumik isornartorsiuinera, taassuma tikkuarpaa.
- Nuummi aallartitaqarfimmik ammaassalluni aalajangiineq aammalu nunanut allanut ministerip Mike Pompeop Issittsumi siunnersuisoqatigiit Finlandimi ataatsimiinneranni oqariartuutai ataqatigiipput, Henrik Breitenbauch Sermitsiaq.AG-mut oqarpoq.
Taanna Future Greenlandimi ataatsimeersuarnermi peqataavoq, tassani Issittumi Kalaallit Nunaannilu ukiuni makkunani allanngoriartupiloorfiusut pillugit sillimaniarnermut politikki pillugu oqalugiaateqassaaq.
- USA-p naliliinera tassaavoq, naalagaaffiit pissaanilissuit akerleriikkaluttuinnarnerat, tassanilu amerikamiut iliuuseqarput. USA isumaqarpoq, Rusland aamma Kina naalagaaffiit pissaanilissuit maleruaqqusaannik malinnikkunnaarsimasut. Tamanna Issittumi aamma sunniuteqassaaq.
Pittuffik USA-mut aalajangeeqqittussanngortoq
Kalaallit Nunaannut isumaqarpoq, nuna USA-mut sakkutooqarnikkut illersornissamut aalajangiisuulluinnartoq.
- Naalagaaffiit pissaanilissuit akerleriikkaluttuinnarneranni Pituffimmik sakkutooqarfik USA-mut pingaaruteqarluinnartutut inissisimaleqqissaaq.
Tassanilu Henrik Breitenbauch naapertorlugu USA maanna Kalaallit Nunaanni aallartitaqarfimmik ammaaqqileranik pissuteqarpoq. Tamanna kingullermik nunarsuarmi sorsunnersuup aappaata nalaani pivoq.
- Issittup, Kalaallit Nunaata Pituffiullu pingaaruteqaleraluttuinnarnerani kingunerisaanik USA-p kalaallit inuuttaasui Naalakkersuisuilu toqqaannartumik attaveqarfigisinnaanissai pisariaqartikkaluttuinnassavaa. Tamatumunnga nassuiaatissaavoq, sooq ataavartumik aallartitaqarfimmik kissaateqartoqarnera.
Namminiilivinnissamut piumasaqaatit allanngortinnissaat
Amerikamiut Kalaallit Nunaannut soqutisaqarnerata annertusinerani periarfissanik nutaanik ammaassaaq, ilisimatooq oqarpoq. Kisianni aamma Kalaallit Nunaata namminiilivinnissaa maanna allatut isikkoqalersinnaavoq.
- Kalaallit namminiilivinnissamik kissaataat pineqartillugu ineriartorneq naatsorsuutinit allannguinermik kinguneqartissavaa. Kalaallit Nunaat naalagaaffeqatigiinnermit aninguni taava toqqaannartumik USA pisariaqartinneqalissaaq. Tassa København USA-mik taarserneqassaaq.
Niueqatigiinnissamut periarfissaq
Amerikamiulli Kalaallit Nunaanni soqutigisaqarnerulernerat periarfissanik nutaanik ammaassaaq.
- Kalaallit Nunaannut periarfissaalertussat tassaalissapput, toqqaannartumik USA-mik oqaloqateqarsinnaalernikkut qanimut niueqatigiissinnaalernermik aammalumi aningaasaliisussarsiortarnerit piarfissaalissapput.
- Taassuma saniatigut aallartitaqarfittaarnikkut naalagaaffeqatigiit USA-mik oqaloqatiginninnerani Kalaallit Nunaat ersarinnerusumik peqataatinneqalissaaq.
Henrik Breitenbauch ullumi nalunaaqutaq 13.00 Future Greenlandimi oqalugiassaaq.
Læs hele sagen:
-
Uafhængighed fra Danmark vil give afhængighed af USA
-
Viljen til selvstændighed vil vokse i takt med udviklingen
-
Lad os være partnere og styrke samarbejdet
-
Suleqatigiitta suleqatigiinnerlu nukittorsarlugu
-
USA-repræsentation er meget vigtig
-
USA-p aallartitaqarnissaa pingaaruteqartupilussuuvoq
-
Air Greenland vil stå stærkt med nye atlantlufthavne
-
Mittarfissuit nutaat atulerpata Air Greenland nukittussaaq
-
USA-p Nuummi aallartitaa ilisaritinneqartoq
-
USAs diplomat i Nuuk præsenteret