Skip to main content

Naliliineq: Kujataani mittarfissaq annikillisinneqassaaq

Attaveqaqatigiinnermut Naalakkersuisup Karl Frederik Danielsenip paragraf 37 naapertorlugu apeqqummut marlunngormat akissutaa upperissagaanni, Qaqortumi mittarfissaq annikillisinneqarsinnaavoq.

Karl Frederik Danielsen IA-meersumut Aqqaluaq B. Egedemut akissuteqarluni allappoq, Nuummi, Ilulissani Qaqortumilu mittarfissanut aningaasaliissutissatut killiliunneqarsimasut 2,1 milliarder koruunit qaangerneqanngitsut aammalu qaangerneqarnissaat ilimagineqanngitsoq.

Taamatut nalunaaruteqarneq Kalaallit Airportsimi pisortap Jens Lauridsenip Sermitisaq.AG-mut februaarip tallimaani oqaaseqaataanut akerliulluinnarpoq. Pisortammi tassunga atatillugu erseqqissaatigaa, Kujataani mittarfissamut atatillugu aningaasat kisiisa isigissagaanni, neqeroortitsineq nutaaq ingerlatseqatigiiffiup missingersuutaasa iluaniinnissaanik isumaqartoqassappat tamanna sianiinaarnerussasoq.

Aamma atuaruk: Kujataani timmisartoqarfiliorneq immikkut akiligassanik nassataqassasoq

Miaarfinnik ingerlatseqatigiiffimmi pisortaq naapertorlugu, politikkerit amerlanerussuteqarlutik suliassamut aningaasat immikkoortitaat 674 millioner koruuniusut iluini kujataani mittarfiliornissamut periarfissat pingasuupput.

Politikerit ingerlatseqatigiiffimmut amerlanerusunik aningaasaliisoqarnissaanik aalajangernissaat

Suliassap akikinnerulersillugu annikillisinneqarnissaa

Imaluunniit periarfissat marluk siuliani pineqartut ataatsimoortinneqarnissaat.

Karl Frederik Danielsenip nalunaarutaa naapertorlugu kujataani mittarfiliortoqarnissaanut aningaasaliisutaasimasut iluini periarfissaq ataasiinnaavoq: suliassap annikillisinneqarnissaa.

Neqeroorutit siulliit missingersuutit sinningaatsiarlugit nalillit

Kalaallit Airports Domesticip mittarfiliornissamik suliarinnittussarsiuussisoqarnerani siullermi neqeroorutit tamaasa itigartitsissutigisariaqarsimavai. Neqerootugineqartut mittarfinnik ingerlatseqatigiiffiup missingiisimaneri millioninik hunnorujulikkaanik qaangersimammatikkit.

Neqeroortitsineq aallarteqqinneqarsimavoq neqeroortitsinermit atortunik allannguinani. Taamatut aalajangerneq piginnittut Namminersorlutik Oqartussat aalajangeeqataaffigisimavaat.

Mittarfinnik ingerlatseqatigiiffik alla, Kalaallit Airports International A/S, Nuummi Ilulissanilu mittarfiliornissamut akisussaasuusoq suliamik allamik aallartitseqqammerpoq, tassa 900 millioner koruuninik taarsigassarsiffissarsiorluni aallartissimagami.

Taarsigassarsisoqassanngitsoq

Ingerlatseqatigiiffik kujataani mittarfiliorniartoq aningaasanik immikkut taarsigassarsinissamut periarfissaqanngilaq.

Politkkerit mittarfililiornissat 2018-imi novembarip qaammataani akuersissutigimmatikkit erseqqissaatigineqarpoq, kujataani mittarfiliornissaq nammineq akilerneqassasoq. Mittarfiliassammi pillugit inatsimmut isumaliutissiissummi allassimavoq:

- Qaqortumi mittarfiliornissamut aningaasanik taarsigassarsisoqassanngitsoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER