isiginnaagassiaq

Naliliineq: 'Ni hao Nuuk' eqqarsalersitsivoq

Isiginnaagassiaq 'Ni hao Nuuk' takoreerlugu Kalaallit Nunaat pillugu ilisimasat amerlisinneqarput. 'Ni hao Nuuk' Københavnimi ulluni makkunani takutinneqaqattaarpoq

'Ni hao Nuuk' Miké Thomsenimit ilaatigut peqataaffigineqarpoq

Naliliineq:

Isiginnaagassiaq 'Ni hao Nuuk' soqutigineqarluarpoq, isiginnaagassiammi takutinneqarnerani inuppassuit najuuttarput. Isiginnaartitsisartoq Miké Thomsen isiginnaagassiami pingaarnertut inuttaavoq.

Isiginnaagassiaq eqqarsalersitsisuuvoq. Kalaallit Nunaannimi aatsitassarsiornissamut periarfissarpassuaqarpoq. Taamaakkaluartorli innuttaasut ilaat aatsitassarsiornissaq akerleraat. Narsami aatsitassarsiortoqanngilaq, aatsitassarsiortoqalissagaluarpalli innuttaasunut periarfissarpassuarnik ammaasinnaavoq.

Isiginnaagassiaq marsip 14-ata tungaanut takuneqarsinnaavoq. Isiginnaagassiaq pingasoqiusatut sanaajuvoq paasisaqarluarnarluni.

Københavnimi Botanisk Havemi ’Maskinhallen’-imi isiginnaartitsiffimmik tupersuaqarpoq. Kalaallit Nunaata assinga natermiippoq kiisalu aamma Kuannersuit qisummik ilusilersorneqarsimalluni. Niels Bohrip Narsami 1957-imi misigisimasaanik oqaluttuamik ilaatigut isiginnaagassiaq imaqarpoq.

Imeq Narsameersoq
Kalaallit nipilersuutat danskit inuiattut erinarsuutaannik isiginnaagassiaq imaqarpoq. Narsap kuuanit imeq aamma isiginnaartunut sassaalliutigineqartarpoq. Pandap mikisup isiginnaartunut tiguartitsiniaanerata Kinamiut Kalaallit Nunaanni suliniarnerannut assersuutaavoq. Isiginnaartunut kiniiserisut 'Ni hao Nuuk'-mik ilassiorput.

Kalaallit Nunaanni akunnattoorut isiginnaagassiami ersersinniarneqarpoq. Kalaallit Nunaanni aatsitassarsiortoqassava imaluunniit nuna eqquluitsuutiinnarneqassava?

Narsarmiumut inuusuttumut aatsitassarsiortoqarnissaa sukkanerusumik aallartisarneqarsinnaanngilaq. Anaanaami imerniartarfimmi eqqiaasuuvoq ilaqutaatalu akissaqarniarnerat pissutaalluni illumi kiassarnissamut akissaqanngillat. Nukappiaraq takorluugarpassuaqarpoq. Aatsitassarsiornikkut aningaasat isertinneqartussat eqqarsaatigisarpai, qatanngutaami aamma pitsaanerusumik atugassaqalissaaq aatsitassarsiortoqalissagaluarpat.

'Ni hao Nuuk' isiginnaagassiaavoq qaqutigoortoq, Kalaallit Nunaat pillugu ilisimasanik nutaanik saqqummersitsisoq.

Ullorissat tallimanit sisamanik ulloriannappoq.

Powered by Labrador CMS