nalunaarusiaq
Naliliineq: Mittarfiit takinerusut takornarialerinermut iluaqutaassappiut
Nuummi Ilulissanilu mittarfiit 2.200 meterinik tallineqartuuppata billetsit akikinnerulissallutillu takornariat amerlissasut Rambøll nalunaarusiaqarpoq
Kalaallit Nunaanni mittarfiit pillugit nalunaarusiaqangaarmat, nalunaarusiornernut aningaasartuutigineqartut mittarfiliornermulluunniit atorneqarsimasinnaagaluarput.
Tamanna nunatsinni quiasaarutigineqartarpoq. Nutaamik nalunaarusiortoqarsimasoq Radioavisi ilisimatitsivoq.
Mittarfiit marluk
Rambøllip Naalakkersuisunut nalunaarusiaa suli saqqummiunneqanngitsumi atuarneqarsinnaavoq, Ilulissani Nuummilu mittarfiit 2.200 meterinik tallineqarnissaanik siunnersuutit.
2040-p tungaanut takornariat marloriaatinngortinneqarsinnaasut nalunaarusiarineqarpoq, tassa takornariat 26.000-nit 61.000 tusindtinngortinneqarsinnaasut.
Timmisartut anginerusut sunniutaat
Nuummi Ilulissanilu mittarfiit takinerulertuuppata ilaasunut iluaqutaassasoq Rambøll siunnersuuteqarpoq. Aamma billetsit 20 procentinit 30 procentinut akikinnerulersinnaasut allaaserineqarpoq.