Naligiissitaanissamut Siunnersuisooqatigiit: Assigiinngisitaartuuneq paarilluarneqarli
Kalaallit Nunaanni innuttaasut assigiinngissusaat pillugu Facebookikkut suliniummik pilersitsisoqarpoq. 'Oqaatsit ilitsoqqussavut assigiinngitsuuppata, tamatta naligiippugut', ilaatigut oqariartuutigineqarpoq
Inuit tamarmik naligiinnerannut suliniummi Arny Koor Mogensen suleqatigineqarpoq.
#Naliga atorlugu, Kalaallit Nunaanni assigiinngisitaartuuneq takutinniarlugu, inuit imminnut assilillutik takutitsinissaannik kaammattorneqarput.
- Qaamasuugaluarutta taarnerugaluaruttaluunniit, tamatta naligiippugut.
Inuiaassutsit assigiinngitsuuppata, tamatta naligiippugu, Naligiissitaanissamut Siunnersuisooqatigiinni siulittaasoq Elisa Petersen tusagassiutinut nalunaarummi oqarpoq.
- Inuit ataqatigiilersitsisoraavut inuttut naleqartitavut; inussiarnersuuneq, ammasuuneq, aamma ikiuukkumatuujuneq, siulittaasoq oqarpoq.
Inuppassuaqarpoq avataaniisinneqartunik, taakkulu ataatsimoortunut ilanngunneqarneq ajorput. Inuiaqatigiinnik naligiinnermik peqataatitsisumillu tunngaveqarluni pilersitsiniaraanni, ilungersuutigalugu suliniutiginissaa pisariaqarpoq, tassami nammineerluni takkukkunnanngilaq. Aamma sorpassuit sulissutigisariaqarput.
- Peqataatsineq tassaaginnarpoq assigiinngisitaartunik akuersaarneq, inuillu ataasiakkaat assigiinngitsut inissaqartissinnaanerisigut akuersaarnerisigullu assigiinngisitaartuni nukiuvoq, ilaatigut akuersaarnermik ataqqinninnermillu pineqartussaallutik