naligiissitaaneq
Naligiissitaaneq pillugu aaqqissuussineq annertooq
Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq, Sara Olsvig (IA) illoqarfiit pingaarnersaanni naligiissitaaneq pillugu aaqqissuussinermut aggersaasoq
Arfingorpat Nunatsinni Naligissitaanerup ullorissavaa.
Tassunga tunngatillugu Naligiissitaanermut Naalakkersuisoq, Sara Olsvig (IA) naligiissitaaneq pillugu aaqqissuusinermut Nuuk Centerimi ingerlanneqartussami aggersaavoq.
- Ukioq manna sammineqartussaq tassaavoq naligiissitsineq. Kikkut tamarmik inuiaqatigiinni assigiimmik peqataanissaminnut periarfissaqassapput – suiaassuseq, ammip qalipaataa, inuiattut suminngaanneersuuneq, oqaatsit, upperisaq, innarluuteqarneq, akissarsiat, qassinik ukioqarneq, atoqatigiinnermut tunngasut il.il. apeqqutaatinnagit, naalakkersuisoqarfik tusagassiuutinut nalunaarummi allappoq.
2010-mi Inatsisartut ulloq 20. maj Nunatsinni Naligiissitaanermut ulloritinneqassasoq akueraat.