Naligiissitaaneq meeqqanit isigalugu

'Kinaluunniit namminiorusussusilik nukittunerpaasarpoq. Namminiorusussuseqarit pisinnaatitaaffitillu ilisimaaralugit'.

Atuakkiortitsiniarnermut tunngaviuvoq Naligiissitaanissamut Siunnersuisoqatigiit iliuusissamittut pilersaarusiaat, tassani kissaatigineqarmat naligiissitaanerup meeqqanit isigalugu suunerata samminerunissaa. MIO-p, meeqqat pisinnaatitaaffiinik sullissisutut, kissaatigisimavaa atuakkiornermi peqataanissani qulakkeerusullugulu meeqqat pisinnnaatitaaffiinik eqqortunik imaqarnissaa, saniatigullu naligiissitaanissaq pillugu paasissutissiinissaq oqallitsitsinissarlu, kisiannili meeqqanit isigalugu.

Naligiissitaanissamut siunnersuisoqatigiinni siulittaasuugallartoq Josef 'Ujoorsi' Therkildsen tusagassiutinut nalunaarummi ilaatigut ima oqarpoq:

- Anguniarneqarpoq suiaassutsimi assigiinngissutsit akimorlugit inissaqartitsinissaq. Siunertarineqarpoq meeqqat meeraasinnaatitaanissat assigiinngissuteqarsinnaanissaallu, suiaassuseq apeqqutaatinnagu. Naligiissitaaneq tassaavoq meeqqat ataasiakkaat periarfissinnissaat namminneerlutit iliuuseqarnissaminnut ineriartornissaminnullu, isummiussat oqqanik killilersorneqaratik, tassalu nukappiaqqat sunik niviarsiaqqallu sunik pisinnaasaqarnissaannik, sunissaannik susinnaanerinillu. Eqqortumik oqartoqarsinnaanngilaq niviarsiaqqat illuatungaanilu nukappiaqqat qanoq ittuunissaannik.

Nangillunilu:

- Kisianni meeqqat kisimiillutik nukappiaranngornatilluunniit niviarsiaranngorneq ajorput. Taamaattunngortarput susoqarnerini assigiinngitsuni allat ilagalugit, taakkunani ilinniartariaqartaramikku suiaassusilittut, inuttullu, iluuseqarnissartik pisup periarfissiineri pisinnaatitsinerilu tunngavigalugit. Taamaattumik meeqqap qanoq iliuuseqarsinnaanera killeqartarpoq.

Siunertaavoq atuakkap meeqqanik minnernik atuartitsinermi atorneqarnissaa, saqqummeriarpalli aamma pisiarineqarsinnaalissaaq.